Astegheło (fiume)
  | |||||
| Sorte | Fiume | ||||
|---|---|---|---|---|---|
| Scumìsio | |||||
| Rejon aministrativa | Itàłia | ||||
| Pozision | Povołaro | ||||
| Finałe | |||||
| Pozision | Bacajon | ||||
| |||||
|
| |||||
Ł'Astegheło (nome ufisałe in itałian Astichello) el xe on fiume de ła provincia de Vicensa, chel pasa prinsipalmente inte i paexi de Doviłe, Cavasałe, frasion de Montexeło Conte Oto, par sbociar intel Bacajon visin el ponte Pusterła in sità de Vicensa.
Inte i secołi pasà tanti aspeti de ła vita economega, artistega e culturałe visentina ga catà inte sto anbiente fluviałe ła so espresion. Oltre a eser doprà come inportante via de acua, drio łe rive del fiume xera nato fabriche che łe doprava ła forsa motore de l'acua e xe stà costuio tante viłe patrisie.
Storia
[canbia | canbia el còdaxe]Fin da el XI secoło intel łeto de deso de Astegheło pasava el torente Astego cuando i visentini, par sbasare el pericoło de piene[1] i ga devià el corso a nord de Montecio Precalsin e indirisà el corso verso el Texena, łasando che a Vicensa rivase soło na parte de acua, o mejo che l'Astegheło el scora intel so vecio łeto.
Ła poexia de Giacomo Zanella
[canbia | canbia el còdaxe]Intel 1878 el poeta Giacomo Zanella, ciapà dal desiderio de ła sołitudine de ła paxe canpestre par poter desmentegare, a contato co ła natura tanto amà, i tormenti del "secol fasendiere", se ga fato edifegare na viłeta a Cavasałe, inte łe rive de l'Astegheło, e chive el ga pasà i so ultemi ani, nando ojni tanto in sita a catare i so amighi.
Inte sti ani eło el ga savudo dare el mejo del so spirito e de ła so arte, parchè el ga savudo trascrivere co senpleghedà łe sensasion che łe robe de spigaso de ła natura ghe risvejava i soneti cołesionà soto el nome de Astegheło, łe xe sensa dubio tra łe so opare mejori.
Percorso
[canbia | canbia el còdaxe]El xe on fiume de sorgente che nase fixegamente da l'union de numaroxe canałete che parte da Doviłe, in łocałità Piłastoni. El so corso el scomisia a nord de Paso de Riva e Montecio Precalsin par nar drio l'omonema via, el caxeło autostradałe e ciapar ła łocałità Pilastroni. Łe rodete che chive łe se unise, tante nata da sorgenti, łe vien tute dal teritorio de Doviłe, prinsipalmente da Vivaro.
El fiume el pasa dopo drio el confine de Cavasałe e Połeje rivando a Vicensa; chive el traversa prima el parco de l'Astegheło de fianco de l'ospedałe San Bortoło, par dopo traversare el Parco Querini e nare rento intel fiume Bacajon.
Notasion
[canbia | canbia el còdaxe]- ↑ (IT) Secondo il Sottani, 2012, op. cit., pp. 142-143 , questo intervento fu reso necessario da avegnimenti idrologici naturali verificatisi nella prima metà del secolo, quando Leogra, Timonchio e Orolo sarebbero usciti dai loro alvei ingrossando l'Astico, con effetti rovinosi par la città
Bibliografia
[canbia | canbia el còdaxe]- Mario Bardin, Il mormorio dell'onda: dialoghi sull'Astichello di Giacomo Zanella, 2013
- Giambattista Giarolli, Vicenza nella sua toponomastica stradale, Vicenza, Scuola Tip. San Gaetano, 1955.
- Stefano Guglielmi, Paesaggio e letteratura in Giacomo Zanella. Studio preliminare par un ecomuseo dell'Astichello, Vicenza, Editrice Veneta, 2013
- Mariano Illetterati e altri, Astichello e dintorni: la forza idraulica par il lavoro: la vita, la storia e l'arte della comunità di Cavazzale lungo le sponde del fiume amato dal poeta Giacomo Zanella, Vicenza, Editrice Veneta, 2007
- Galliano Rosset (testo e mappe) e Danilo Pellegrin (fotografie), Astichello e dintorni: le ville dell'Astichello, Vicenza, Editrice veneta, 2009.
- Luigi Sarolo, Astichello: viaggio lungo il fiume e il suo paesaggio, Vicenza, Editrice Veneta, 2011
- Natalino Sottani, Antica idrografia vicentina. Storia, evidenze, ipotesi, Vicenza, Accademia Olimpica, 2012.
- Giacomo Zanella, Astichello, a cura di I.F. BALDO, Disegni Galliano ROSSET, Vicenza, Editrice Veneta, 2013
Voxe corełade
[canbia | canbia el còdaxe]Altri projeti
[canbia | canbia el còdaxe]
Wikimedia Commons el detien imàjini o altri file so Astegheło
el detien schemi gràfeghi so
