Antonio Gramsci

Antonio Gramsci
Sitadinansa	Reino d'Itałia
Nasimento	22 de xenaro 1891, Ales
Morte	27 de apriłe 1937, Roma
Łéngue parlae	Łengua itałiana Łéngua sardegnoła
Ocupasion	filosofo Połitego Giornałista scritore Economista critico letterario storico sociologo
Educà a	Università degli Studi di Torino
Premi	Premio Viareggio

Antonio Gramsci, nome intiero Antonio Francesco Sebastiano Gramsci (Ales, 22 de genaro 1891 – Roma, 27 de aprile 1937), el ze stà un połìtego, fiłòzofo, zornałista, łenguista e crìtego łetarario itałian.

Inte el 1921 el ze sta tra chi che ga inpiantà sù el Partito Comunista d'Itałia, deventando el só segretario e dirijente da'l 1924 a'l 1927, ma inte el 1926 el vien meso rento inte ła prezon de Turi da'l rejime fasista. Inte el 1934, drioman a el grave pezoramento de łe só condision de sałute, el otien ła łibartà condisionà e el vien recoverà in clìnega, indó el pasa i ùltemi ani de vida. Considarà uno de i pì asè inportanti pensadori de'l XX sècoło, inte i só scriti, tra i pì asè orijinałi de ła tradision fiłozòfega marxista, Gramsci el ga anałizà ła strutura culturałe e połìtega de ła sosietà. In partegołare el ga ełaborà el consèto de ezemonìa, che par cueło łe crasi dominadore łe inpone i só vałori połìteghi, intełetuałi e morałi a tuta ła sosietà, co l'intension de saldar e jestir el poder intorno a un senso comun condividesto da tute łe crasi sosiałi, anca cuełe manco inportanti.

Altri progetti

• Wikimedia Commons

• Wikimedia Commons el detien imàjini o altri file so Antonio Gramsci