Angleganismo

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Angleganèzemo


Catedrałe de Canterbury

L'angleganèzemo o angleganismo o sanò anglicanèzemo o anglicanismo ła ze na confesion rełijoza che ła se mete inte ła metà strada (Via Mèdia) intrà el cristianèzemo catòłego e cueło protestante, e che el ga avesto orìzene inte el XVI secoło co ła separasion de ła Ceza de Inghiltera da ła Ceza catòłega inte el ndar de del regno de Enrico VIII. Conprende ceze che łe ze storegamente ligae a sta cuà e altre co credense, pràteghe de culto e struture afini, siben no idénteghe. La paroła anglegan el ga vesto orìzene da eclèzia anglegana, na fraze latina derivante dal 1246 che signìfega "ceza ingleze". I aderenti a l'angleganèzemo i ze ciamai anglegani. La majoransa de lori ła ze parte de łe ceze aderenti a ła Comunion Anglegana internasionałe[1].

Ghe ze, tutavia, vàrie ceze de fora de ła Comunion Anglegana che łe se autodefinise anglegane: łe ze cuełe ligae a l'angleganèzemo contìnuo[2], in pozision conservatore.

El raprezentante de Dio in tera inte ła rełijon anglegana el ze de facto el sovran de ła corona ingleze, el cuało sucesore el corisponde a l’erede del trono, siben che sta autorità ła raprezéntee inte el dì uncó solché un roło sinbòłego.

El protestantèzemo anglegan el ze sostansialmente na fuzion de ełementi luterani e calvinisti e in parte anca el ga catòłeghi, fondà sul Vanzeło de Jezù Cristo, su łe tradision de ła ceza apostòłega, su ła sucesion apostòłega ("episcopà stòrego") e sui insegnamenti dei pari de ła Ceza[3]. Secondo un'imàzeine che ła vien fazesta derivar da Richard Hooker, sta cuà ła se poza su de un "trìplego pedestało": Sacre Scriture, tradision e razon. L'angleganèzemo el costituise una de łe majori rame del cristianèzemo osidentałe, gavindo definitivamente declarà ła so indipendensa dal Roman Pontèfeze co l'insediamento inte el trono de Elizabeta I[4]. Tanti dei novi formułari anglegani de ła metà del XVI secoło i corispondea stretamente a cuełi del protestantèzemo reformà contenporàneo. Ste reforme inte l'interior de ła Ceza de Inghiltera łe vegnea tolte e adatae al culto anglegan da l'arcivéscovo de Canterbury de chel tenpo Thomas Cranmer, co ła scritura e publegasion de testi anglegani inportantisimi, o sia el Book of Common Prayer e i Trentanove artìcułi de rełijon, seguii da un sbrisamento teołòzego e litùrzego verso pozision intermèdie intrà łe du majori tradision protestanti emerzenti, saria dir el luteranèzemo e el calvinismo[5].

Inte ła fin del XVI secoło, el mantegnimento inte l'angleganèzemo de tante forme litùrzeghe tradisionałi e de l'episcopà łe vegnea vedeste cofà inacetàbiłe dai anglegani che i promovea i prinsipi protestanti pì radegałi, mentre inte i secołi drioman racuanti teòłoghi e ecleziàsteghi anglegani, cofà Edward Bouverie Pusey e John Henry Newman, confidando inte un rearentamento al culto catòłego, in parte dividéndose da ła Ceza de Inghiltera e in parte formando l'anglo-Catołèzemo. Sta situasion ła costituise parò na menoransa inte l'angleganèzemo, cofà - su un fronte dotrinałe vàrio - el movimento de ła "Broad Church" (Ceza larga) che, partindo dal latitudenarismo anglegan del '600, el ga desviłupà da ła seconda metà de l'800 pozision crìteghe inte i confronti de ła interpretasion dogmàtega dei "credi" e de un dòparo del Book of Common Prayer cofà guida, sostegnindo l'inportansa de ła reserca rełijoza e del confronto costrutivo co altre tradision cristiane e no-cristiane.

Notasion[canbia | canbia el còdaxe]

  1. Googlewww.google.it. entrada il 31 ottobre 2016.
  2. Continuing Anglican, usachurches.org
  3. "What it means to be an Anglican". Church of England.
  4. Green, Jonathon (1996). "Chapter 2: The Middle Ages". Chasing the Sun: Dictionary Makers and the Dictionaries They Made, New York, USA, Henry Holt, pp. 58–59. ISBN 0-8050-3466-8.
  5. Diarmaid MacCulloch, Thomas Cranmer: A Life, Yale University Press, p. 617 (1996).


Altri projeti[canbia | canbia el còdaxe]


Linganbi foresti[canbia | canbia el còdaxe]



Controło de autoritàVIAF (EN5159154260829524480001 · LCCN (ENsh85005047 · GND (DE4142460-8 · BNF (FRcb119524892 (data) · BNE (ESXX527266 (data) · WorldCat Identities (EN5159154260829524480001
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Angleganismo&oldid=1160347"