Alfabeto ebraico
El alfabeto ebraico xè l'alfabeto che vegnea scrite le łengoe ebraica, yiddish, ladina giudeo-spagnoła (non el ladino dołomitico) e altre łengoe ebraiche utilixae da i ebrei ne el mondo.
Vegnea scrito da destra verso sinistra e el contien 22 letere consonanti, de cui dò ( ו vav e י yod) semiconsonanti. Alcune consonanti le gà na forma difarente se finałi de parola. Le consonanti א e ע no le gà suono proprio, ma le serve par apogiare la vocałe dopo. La pronunçia de alcune consonanti se modifica a seconda de ła prexensa vocałica.
La pronunçia la xe difarente tra ashkenaziti e sefarditi, ma ła versión de sti ultimi la xè considerà queła standard.
Sistema Consonantego[canbia | canbia el còdexe]
| Letara | final | nome | pronuncia | trascrizion |
|---|---|---|---|---|
| א | Alef | No la ga son | ||
| ב | Bet | B o V | b/v | |
| ג | Ghimel | G de lago | g/gh | |
| ד | Dalet | D | d | |
| ה | Hey | H inglese | h | |
| ו | Vav | V o W | v/u | |
| ז | Zain | X sonora cofà in xe | z | |
| ח | CHet | H tanto aspirada cofàe Ch todesca in Bach | H/ch | |
| ט | Tet | T | t | |
| י | Yod | Y o I | i/y | |
| כ | ך | Kaf | Ch tanto dura opur C cofà in casa | k/ch |
| ל | Lamed | L de "parlar" | l | |
| מ | ם | Mem | M | m |
| נ | ן | Nun | N | n |
| ס | Samech | S veneta sorda cofà in sol | s | |
| ע | Ain | No la ga son. La rende liziermente nasal la vocal sociada | ||
| פ | ף | Pe | P o F | p/f |
| צ | ץ | Tzadi | Tz cofà inte'l veneto Rotzo | ts |
| ק | Kof | C de casa | k | |
| ר | Resh | R francese | r | |
| ש | Shin | Sh come in show o S sorda cofà in sol | sh/s | |
| ת | Tav | T | t |
Esiste anca de altre trasliterazion (par esempio, xe comun traslitarar la Kof come Q invenze de K).
Sistema Vocalego[canbia | canbia el còdexe]
Le vocale le xe rapresentae da puntini o ligne (nikud) trazzae sora o soto de la consonante. Inte la lengua scrita zeneralmente no le xe rapresentae.
L'alfabedo ebraego, curiosamente, xe stà forse la prima forma de trasliterazion dei ideogrami cinesi. La comunità ebraega cinese de Kai Feng, fondada inte'l X secolo e estintase a l'inizio del XX secolo la ga lassà dei scriti en lengua cinese ma in caratari ebraeghi.
