1080i

Da Wikipedia, l'ençiclopedia libara.
Jump to navigation Jump to search
Scałe de risołusion de łe TV de uncò


1080i xé na categoria de modałità video, tute caraterixade da na risolusion vertical de 1080 linee e da ła scansion interlasada, che vien prima del formato 1080p

El 1080i xé un formà de alta definision, che ciapa drento on raporto de aspeto de 16:9. Ła risołusion orixontal del formato xé de 1920 par 1080 pixel.

Ła cadensa de riprexa in hertz połe esare implisita n'tel contesto o indicada in maniera espresa, co na notasion comun, dopo ła letara i.

Łe frequense pì doparae łe jera de 25 e 30 fotogrami al secondo, secondo ła divixion tradisional ereditada dai sistemi PAL e NTSC e legada dal doparare de sircuiti co segnałi de controło derivai (previo scałamento deła frequensa di on fattore 1/2) de ła corente alternada doparada in chei paexi (frequense de 50 e 60 Hz rispetivamente).

A seconda se se sia drio riferir a ła frequensa de quadro o de semiquadro, se połe doparar notasion come 1080i25, 1080i50 e, secondo ła racomandasion EBU, 1080i/25, tute tra łore equivałenti.

El formato 1080i, pqr ła so naura interlasada, jera diretamente compatibiłe co i monitor a tubo catodego. Par esare vardà su display a scansion progresiva, come quełi al plasma e LCD, el segnal ga da esare sotoposto a on proceso ciamà deinterlasamento.

Par via de łe modifiche a lo standard NTSC introdote a l'epoca de l'introdusion del cołore, ła cadensa de riprexa de łe trasmision 1080i/30 jera in realtà pì baso de el 0.1% rispetlto al vałore nominal, quindi de sirca 29,97 fotogrami al secondo. Anca ła notasion 1080i29.97 xé doparada n'te dei ambiti. I standard de deso i suporta frequense sia de 24/30/60 reałi sia de 23,976/29,97/59,94 fotogrami al secondo.

Ghe xé na variante de el formato quando aplicà al sistema de rexistrasion HDV che limita ła risułusion a 1440 × 1080 pixel. In sto caxo l'aspect ratio dei pixel xé pari a 1,333 e xé el rixultà de na deformasion anamorfica.