Windows 2000
| Windows 2000 | |
 |
|
| Sviłupator: | Microsoft |
|---|---|
| Fameja SO: | Windows NT |
| Modeło de'l sorgente | Closed source |
| Ultema version: | 5.0.2195.7061 SP4 Rollup 1 v2 / 13 setenbre 2005 (Retail/OEM) |
| Tipo de kernel: | Kernel ibrido (32 bit) |
| Licensa: | Pròpriètario (Microsoft EULA) |
| Stadio de sviłupo: | No pì supòrta dal 13 lujo 2010 |
| Sito web: | microsoft.com/italy/windowsxp/ |
Windows 2000, (2000-2010) (nome prèłiminar Windows NT 5.0, numaro versìon 5.0.2195), xè on sistema operativo co interfaçia grafèga a 32 bit, rilasà el 17 febraro 2000 da Microsoft[1] cofà sucesòr de Windows NT 4.0. A pari del so predeçesor, Windows 2000 xè pensà par esare uxà en anbito profèsiònałe e cofà server, graxie ałe elèvae prestaxioni, stabiłità e sicurèxa. Ł'edixion Professional xè destinà a CAD, grafèga, calcoło matematego e come workstation personałe in anbito axiendałe. Son inoltre stae comerçałixae łe edixioni Server, Advanced Server e Datacenter Server. Sucèsivàmènte son stae rilasae do versioni a 64 bit par i novi proçesòri Intel Itanium e Itanium 2 in te' 2001 (Advanced Server Limited Edition e Datacenter Server Limited Edition).
Indice |
[canbia] Caratèristìche prinçipałi
Windows 2000 xè çertamènte on gran paso avanti rispeto ała version preçedènte. Xè dotà de n'interfaçia utènte rinovada e de on gran numaro de inovaxioni tecnołoxighe, fra łe quałi łe pì significatìve son:
- Active Directory - evołuxion de'l sistèma a domini de Windows NT, permète ła xèstion e l'aministraxion de reti axiendałi anca de granda dimènsioni en maniera çentrałixà
- Xèstion de i file system - son stai intròdoti na nova version de NTFS, el Distributed File System (che parmete de costruir na vixion conplèsiva e jerarchega de n'insieme de file server so na rete) e l'EFS (Encrypting File System) che parmete de çifrar i file a liveło de file system (ma de cui ła NSA potrèbe catar łe ciavi, secòndo sto stùdio)
- Plug and play - Windows 2000 xè'l primo sistema operativo so kernel NT che supòrta ło standard Plug and play che parmete ła configùraxion automatega del'hardware
- Supporto energetico - graxie ałe funxioni APM de xèstion e rispàrmio enerxètico, parmete l'uxo axevołe soi sistemi portàtiłi
- Universal Serial Bus - supòrta łe perifèrighe USB e l'Hot swap
- Multimedialità - supòrta DirectX, i novi driver WDM (Windows Driver Model) e łe perifèrighe moltimediałi
- Background Intelligent Transfer System (BITS) - parmete de scaricar dała rete en modo intełixènte rixòrse utiłixae par ajornar el sistema operativo.
[canbia] El tramònto de Windows 2000
Dal 30 giugno 2005 el supòrto par Windows 2000 xè pasà dała fase prinçipałe a cheła estèsa: ciò signifegà che Microsoft rilasa par Windows 2000 soło i ajornàmenti de sicurexa critiçi, mentre el supòrto par toti i novi prodòti Microsoft, tra cui łe nove versioni de programi cofà Internet Explorer o Windows Media Player, cesa par sto sistema operativo. El 13 lujo 2010, Microsoft gà definitivàmènte sarà ogni supòrto par sto sistema operativo, invitando toti i utènti de Windows 2000 a migrar a ona version de Windows pì reçente, cofà Windows XP SP3, Windows Vista o Windows 7[2].
[canbia] Notaxion
- ↑ Gates Ushers in Next Generation of PC Computing With Launch of Windows 2000
- ↑ Microsoft termina el supòrto par Windows 2000 e Windows XP SP2 • Dinox PC
[canbia] Varda anca
| Prèdecesòr: | Versioni de Windows | Sucesor: |  |
|---|---|---|---|
| Windows NT 4.0 | 2000 - 2010 | Windows XP \ Windows Server 2003 |
