Windows Me

Windows ME

El logo de Windows Me
Version de scumìsio	14 de setenbre del 2000
Fameja S.O.	Windows 9x
Version stàbiłe	4.90.3000A (Security CD) 4.90.3000 (14 de setenbre del 2000)
Stato atuałe	No pì supòrta dal 11 lujo 2006
Licensa	Pròpriètario (Microsoft EULA)
Disponìbiłe in	multiłéngua
Caratarìsteghe tècneghe
Piataforma	x86
Tipo de Kernel	Kernel monòłitico (32 bit)
Scuadra
Desviłupator	Microsoft Corporation

Windows Millennium Edition, o Windows Me (IPA: [miː], [ɛm iː]) (2000-2006) (ciamà in codixe Millennium, numaro de version 4.90.3000), xe on sistema operativo co interfaçia grafèga, ibrido tra 16-bit e 32-bit, rilasà el 14 setenbre 2000 da Microsoft.

Xe l'oltìmo sistema operativo de ła fameja Windows 4.x. Pòrta co se alcone inovaxioni in te' moltimediałità, infati se in Windows 98 el punto focałe xe sta l'integraxion col Web, in Windows Me tuto se xòga sułe funxioni moltimediałi che pòl ofrir el computer, e in particołar mòdo sol divèrtimento e l'interatividà. Windows Me ofre cussì alconi novi programi par l'intratènimento.

Subio dopo che Windows Me xe sta rilasà al publico, Microsoft lançiò na canpagnà promoxionałe par promovérlo in te' Stati Unii de Amèrica ciamaà Meet Me Tour (on xùgo de parołe avèndo in sto franxente Meet Me do significai: catame opùr cata Me, indòve co Me se indigàva el sistema operativo). Esso coinvolxeva ła Microsoft, i Original Equipment Manufacturer, OEM e altre socetà interesae in te' vendità de Windows Me, ina atraxion intèrativa moltimèdiałe prèsente in 25 sità dei Stati Uniì.

Panòramèga

Windows Me xe stà l'erède de Windows 98 e, cofà eso, jera pensà speçificàmènte par i utènti domèstiçi. Includèva Internet Explorer 5.5, Windows Media Player 7 e el novo progràma Windows Movie Maker, che fornìva funxionałità de base de montajio vidèo e jera projetà par esare façiłe da dòparar anca dai utènti domestiçi. Microsoft ajiornò anca l'interfàçia grafèga e ła shell Windows Explorer (na sòrta de terminàłe), st'ultìma co alcone carateristighè viste prima in Windows 2000, sistema operativo rilasà sete mesi prima par el mercà profesìonałe. Windows Me pol esare ajiornà a Internet Explorer 6 SP1, ma no a Internet Explorer 6 SP2 (o SV1). Né podèva esare ajiornà a Internet Explorer 7 o a Windows Media Player 10 Series. El framework .NET supòrtà jera cheło fin ała 2.0, tutavìa łe versioni 2.0 SP1, 3.x e sucesive no jerano instałàbiłi. Microsoft Office XP fu l'ultìma version de ła suite par ufiçio de ła Microsoft a esare conpatibiłe co Windows 9x.

Windows Me jera ła continuaxion del modeło de sistema operativo noto cofà Windows 9x, tutavìa ła carateristigà de funxìonàmento in modałità reałe del'MS-DOS xera limità, par consentir na açełeraxion de ła fase de avio. Sta' fu na nova carateristiga tra łe pì publicixae, parché łe aplicaxioni che neçesitàvano de ła modałità reałe MS-DOS, par exenpio alconi veci softuer de utiłità par el disco, no podevàno esare eseguie in Windows ME.

In confrònto ałe altre vèrsioni de Windows, el Millenium ebe na brève vida, de poco pì de n'ano. Infati fu subio rinpìaxà da Windows XP, basà so tecnołoxìa NT, lansà el 25 otobre 2001 adonchè sto sitema fu anca mòlto critigà. El supòrto xe terminà in te' 2006.

Requisiì de sistèma

Requisiì de sistèma minìmi:
Proçesor: Pentium a 150 MHz
Spasio libaro sol disco rixìdo: 320MB
Memoria RAM: 32 MB

Requisiì de sistèma racomandai:
Proçesor: Pentium II a 300 MHz
Spasio libaro sol disco rixìdo: 2GB
Memoria RAM: 96 MB

Varda anca

• Windows 95
• Windows 98
• Windows 2000
• Microsoft Windows

Controło de autorità	GND (DE) 4602745-2 · BNF (FR) cb13575578d (data)