Windows 2000
 | |
| Version de scumìsio | 15 de disenbre del 1999  |
|---|---|
| Fameja S.O. | Windows NT |
| Version stàbiłe | 5.0.2195.7061 SP4 Rollup 1 v2
Pre-Release (build 2031) (29 de apriłe del 1999) SP4 Update Rollup v2 (13 de setenbre del 2005)
|
| Stato atuałe | No pì supòrta dal 13 lujo 2010 |
| Bazà so | Windows NT 4.0 |
| Licensa | Pròpriètario (Microsoft EULA) |
| Disponìbiłe in | |
| Epònemo | Microsoft Windows e 2000 |
| Caratarìsteghe tècneghe | |
| Piataforma | |
| Tipo de Kernel | Kernel ibrido (32 bit) |
| Scuadra | |
| Desviłupator | Microsoft Corporation |
|
| |
Windows 2000, (2000-2010) (nome prèłiminar Windows NT 5.0, numaro versìon 5.0.2195), xe on sistema operativo co interfaçia grafèga a 32 bit, rilasà el 17 febraro 2000 da Microsoft[1] cofà sucesòr de Windows NT 4.0. A pari del so predeçesor, Windows 2000 xe pensà par esare uxà in anbito profèsiònałe e cofà server, graxie ałe elèvae prestaxioni, stabiłità e sicurèxa. Ł'edixion Professional xe destinà a CAD, grafèga, calcoło matematego e come workstation personałe in anbito axiendałe. Son inoltre stae comerçałixae łe edixioni Server, Advanced Server e Datacenter Server. Sucèsivàmènte son stae rilasae do versioni a 64 bit par i novi proçesòri Intel Itanium e Itanium 2 in te' 2001 (Advanced Server Limited Edition e Datacenter Server Limited Edition).
Caratèristìche prinçipałi
[canbia | canbia el còdaxe]Windows 2000 xe çertamènte on gran paso avanti rispeto ała version preçedènte. Xe dotà de n'interfaçia utènte rinovada e de on gran numaro de inovaxioni tecnołoxighe, intrà łe cuałi łe pì significatìve son:
- Active Directory - evołuxion del sistèma a domini de Windows NT, permète ła xestion e l'aministraxion de reti axiendałi anca de granda dimènsioni in maniera çentrałixà
- Xestion dei file system - son stai intròdoti na nova version de NTFS, el Distributed File System (che parmete de costruir na vixion conplèsiva e jerarchega de n'insieme de file server so na rete) e l'EFS (Encrypting File System) che parmete de çifrar i file a liveło de file system (ma de cui ła NSA potrèbe catar łe ciavi, secòndo sto stùdio Archivià il 6 de lujo 2008 in Internet Archive.
)
- Plug and play - Windows 2000 xe'l primo sistema operativo so kernel NT che supòrta ło stàndar Plug and play che parmete ła configùraxion automatega del'hardware
- Supporto energetico' - graxie ałe funxioni APM de xestion e rispàrmio enerxetico, parmete l'uxo axevołe soi sistemi portàtiłi
- Universal Serial Bus - supòrta łe perifèrighe USB e l'Hot swap
- Multimedialità - supòrta DirectX, i novi driver WDM (Windows Driver Model) e łe perifèrighe moltimediałi
- Background Intelligent Transfer System (BITS) - parmete de scaricar da ła rete in modo intełixente rixòrse utiłixae par ajornar el sistema operativo.
El tramònto de Windows 2000
[canbia | canbia el còdaxe]Dal 30 zugno 2005 el supòrto par Windows 2000 xe pasà da ła fase prinçipałe a cheła estèsa: ciò signifegà che Microsoft rilasa par Windows 2000 soło i ajornàmenti de sicurexa critiçi, mentre el supòrto par toti i novi prodòti Microsoft, tra cui łe nove versioni de programi cofà Internet Explorer o Windows Media Player, Ceza par sto sistema operativo. El 13 lujo 2010, Microsoft gà definitivàmènte sarà ogni supòrto par sto sistema operativo, invitando toti i utènti de Windows 2000 a migrar a ona version de Windows pì reçente, cofà Windows XP SP3, Windows Vista o Windows 7[2].
Notaxion
[canbia | canbia el còdaxe]- ↑ Gates Ushers in Next Generation of PC Computing With Launch of Windows 2000
- ↑ Microsoft termina el supòrto par Windows 2000 e Windows XP SP2 • Dinox PC Archivià il 13 de disenbre 2013 in Internet Archive.
Varda anca
[canbia | canbia el còdaxe]
| Predecesore | Versioni de Windows | Sucesore | 
|
|---|---|---|---|
| Windows NT 4.0 | 2000 - 2010 | Windows XP \ Windows Server 2003
|
| Controło de autorità | BNF (FR) cb145360626 (data) |
|---|