Wikipedia:Vandałismo

Da Wikipedia, l'ençiclopedia libara.
Va a: navigasion, serca

Se definise vandałismo cò che se zonta, se scanseła o se modifega contegnùi e dati, cò un evidente interese o na małafede e col conseguente rixultà de conprométar l'integrità de Wikipedia.

A 'olte chi conpie un vandałismo el gà un'opinione negativa (o un coinvolximento personałe) sul tema de ła voxe, ma nò'l sa o nò'l vol discutarne in modo pacado. Sołitamente simiłi utenti i inserise o i rinpiasa el testo existente cò oscenità, parołase, contegnùo privo de senso o informasioni pałesemente fuorvianti o fora tema. Altre 'olte, i scansełan ostinatamente paragrafi che nò corispondon ai łori punti de vista, altre 'olte anco' i inserise pì volte contegnùi promosionałi, partigiani o ofensivi par alcuni.

Qualsiasi contributo fato en bona fede finałizado al mijoramento de l'ençiclopedìa, anca se fato en modo sbagliado o maldestro, no l'è mìa da considerarse vandałismo. I interventi 'nte i quałi no l'è ravixabiłe en modo imediato e inequivocabiłe ła małafede nò i xè mìa considerai vandałismo.

Cometare del vandałismo l'è evidentemente contrario a łe policy de Wikipedia. L'è quindi nesesario che el venga prima de tuto individuado e pò gestìo; se nò te si mìa in grado de gestirlo da soło, te pol sercar l'ajuto de altri wikipediani e de i aministradori.

Come l'è molto fasiłe par chiunque inserir contegnùi insensai, imàgini ofensive e sciochese de varia entità, l'è altretanto fasiłe par qualsiasi utente, anca se nò registrado, porve rimedio. Tuti i utenti i xè ansi invitadi, quałora individuino un vandałismo, a cavàrlo via imediatamènte, eventualmente contatando un aministradore par i caxi en cui i serva asioni nò consentide al'utente (come ła protesion de ła pajina).

Nuvola apps khelpcenter.pngSporteło informasion

Cossa xèło el vandałismo[canbia | canbia sorxente]

Queste łe xè alcune de łe forme de vandałismo pì comuni so Wikipedia:

  • Spamming, cofà l'azonta de łigadure foreste a fini publiçitari o a siti che nò łe xè consentie da łe regołe de Wikipedia
  • Azonta de parołe sensa senso o ła scansełasion nò giustificada de parti del testo
  • Creasion de voxi prive de senso loxico o cò contegnùo schersoxo/gołiardico
  • Inserimento, scansełasion o modifega de contegnùie dati, conpiùe cò un evidente interese o na małafede
  • Inserimento de informasion vołutamente eràe
  • Inserimento a fini de disturbo - anca in pajine de discussion - de testi in łèngua diversa dal venèto (anca in 'tałian)
  • Inserimento de insulti o difamasion
  • Inserimento de insulti, scansełasion, danexamento de pajine utente altrui
  • Inserimento de imaxini provocadorie o vołutamente fora contesto
  • Inserimento intensionałe de modèłi mìa apropiai o eliminasion reiterada de modèłi apropiai
  • Spostamento de pajine intensionalmente nò apropià

Ocio: Alcune de ste asion łe podarìa esar conpìue in bona fede da novi utenti nò oncora pratisi del funsionamento de Wikipedia: vałutè senpre cò atension el tipo de modifega prexumendo ła bona fede finché 'l xè posibiłe.

Cossa nò xè vandałismo[canbia | canbia sorxente]

Malgrado a 'olte ci se riferisca ad ese come tałi, łe seguenti cosse łe xè vandałismi e partanto nò i và tratàe come tałi:

  • Proe de i novi arivai.
    Alcuni novi utenti che i scopre el pulsante Canbia i gà voja de saver se i pol veramente canbiar ogni pajina, par cui i ghè scrive sora calcossa justo par proar. Sto qua nò xè mìa vandałismo! Al contrario, sti utenti i dovarìa esar caldamente acolti, e indirisaì a ła Pajina de łe proe inte ła quałe i pol proxeguir i łoro test. Nò de rado i scanseła da sołi quanto i gà fato. Inserir l'avixo {{test}} inte ła pajina de discussion dell'utente (anca se IP) el xè in zenere el primo passo par instaurar na comunicasion costrutiva.
  • Impratichirse cò ła wiki-sintasi.
    Par alcuni utenti el xè nesesario far un po' de pratega, prima de manegiar propiamènte ła sintasi uxà par redixare łe voxi so Wikipedia e de conosare łe convension in uxo rełativamente a come inpajinar na voxe. Invese de considerar tałi utenti suito cofà vandałi, spiegè a łori quałi i xè łe convension da adotar e 'ndove catàr 'juto.
  • Viołasion del NPOV.
    Il ponto de vista neutrałe par molti el xè na regoła difisiłe da conprendare e metar in ato, ocaxionalmènte anca wikipediani esperti i fà contributi che nò i rispeta a pien el NPOV. Inte na serta mixura semo tuti influensai da łe nostre opinioni e credense. Sto qua nò xè mìa vandałismo.
  • Modifighe grandi.
    Mijiorar na voxe el pol signifegar canbiarla in modo consistente; i utenti i xè invitai a farlo e a esar intraprendenti, anca se l'invito el xè senpre pì a integrar łe voxi, pitosto che a sostituirne i contegnùi. Catàre gran parte de na pajina a cui se gà laorà canbià en maniera radicałe el pol esar inisialmente persepio cofà vandałismo, ma nò ło xè. Se nò condividè i canbiamenti aportai a na voxe da voi curà, contatè l'audor e discutetene, in modo pacà e sensa scordare el WikiLove.
  • Prepotensa e ostinasion.
    Alcuni utenti nò i riesse a xunxare a un acordo cò cołoro che i intende discutare de łe modifighe da łoro fate e i ripristina ostinatamente ła łoro version dopo che altri i ve xè intervegnùi. Situasion del zenere i porta zeneralmente al bloco de ła pajina contestada, ma nò i xè da considerarse vandałismo. Resta intexo che i aministradori i pol far ricorso al tenporaneo bloco de i utenti coinvolti inte ła disputa quałora i toni i dovarìa dexenerar.
  • Mołestie e atachi personałi.
    Wikipedia ła gà na policy che ła vieta ła mołestia e l'ataco personałe. Alcune forme de mołestie i xè anca vandałismo (ad exenpio el vandałismo su pajine utente altrui). Se el conportamento 'l và 'vanti, el sarìa coreto en sto caxo zontar inte ła pajina de discussion de l'utente interesà n'avixo spiegandoji che Wikipedia nò xè un posto par far dixastri o insulti.
  • L'inpreisto.
    Soło parché qualcheduni aporta modifighe in modo inatexo, nò signifega automaticamente che el xè un vandało. Forsi el xè soło un novo utente. Contatatéło e spiegatełi 'ndove e come dovarìa canbiar el propio conportamento. Nò blochéło a priori sensa esarve chiarìi.

Come rimediare[canbia | canbia sorxente]

Counter Vandalism Unit-en.png

Parché un ato vandałico nò sia pì vixibiłe el xè sufisente verxare ła cronołoxia de ła pajina (tersa lingueta de sora) clicar su ła version presedente a queła vandałixà (se 'l vandałismo el xè stà avistà suito el dovarìa esar ła penultima), andar in canbia, indicar 'nte 'l ogeto che se trata de un rollback par vandałismo, e donca salvar (sensa tener conto dell'avixo).
Se l'intervento el xè imedià nò 'l xè nesesario far altro. Se i ghè xè vandałi residivi el xè mejo segnałarli suito e, inte i caxi pì gravi, dimandare a qualche aministrador ła rimosion del vandałismo anca da ła cronołoxia de queła pajina.

Template utili[canbia | canbia sorxente]

  • {{Test}} avixo in caxo de "proa" de un novo utente o IP (ocio ła cossa nò xè vandałismo), vałutar ła posibiłità de indirisarlo a ła Pajina de łe proe
  • {{Vandałismo}} o mejio {{Vandałismo|nome pajina}} da metare in pajina de discussion de un utente (o un IP) che el gà fato vandałismi
  • {{Yc}}, avixo pà'l secondo vandałismo comeso (el pol esar seguio da {{Rc}} da parte de un aministrador se questi el gà decixo de blocar l'utensa)
  • {{Spam}}, avixo par l'inserimento de łigadure foreste promosionałi
  • {{IP Vandałismo}}, avixo par utense nò rejistràe (identificae tramide IP statico) cò cui i xè stai comesi ripetùi vandałismi
  • {{BlocoInfinio}}, da zontare i'na pajina de discussion de un'utensa 'pena blocà al'infinìo.

Template e nidificasion[canbia | canbia sorxente]

Se nò riesito a individuar el vandałismo el xè probabiłe che questo rixieda inte 'n modèło o inte na so nidificasion (modèło interno a 'n altro modèło). Te sarà pì azevołe individuarlo utiłixando ło strumento "Speciale:CanbiamentiLigà" (inte 'l box strumenti su ła sinistra).