Weser

Weser
Lunghessa:	452 (col Werra 744) km
Portata media:	325 m³/s
Bacino idrografico:	48.800 km²
Altitudine deła sorxente:	116,5 m s.l.m.
El nasse:	Hannoversch Münden Bassa Sassonia dall'unione di Fulda e Werra
El sfocia:	Mar del Nord da le bande de Bremerhaven
Paesi traversè:	Zermania

La Weser la xe un inportante fiume de la Zermania nord-ocidental che la nasse da l'union da le bande de Hannoversch Münden, in Bassa Sassonia, dei fiumi Fulda, passante par l'omonema cità de l'Assia, e Werra. La copia Weser/Fulda la xe longa in total 650 km, invenze quela Weser/Werra 750.

La sezion alta del fiume la traversa la region montagnosa e turistega Weserbergland. La fin de la val la se chiama Porta Westfalica. Là el fiume el intra inte la piana del nord del paese onde che meza sezion la core canalisada e sfrutada cofà via de trasporto e cofà fonte di enerzia idroletrega.
Inte i ultimi 90 chilometri fin a la fose marina la traversa le cità portuai de Brema, Nordenham e Bremerhaven. Fora che dei stessi centri industrialisai la region la xe rural co povolazion rada. La piana la xe caraterizada da tareni umidi bonifegai e morene sabiose coverte da na mistura de boschi e canpi. La bassa sezion de la Weser intra Brema e el mar el ga corente alternanti a causa de alta e bassa marea.

Chiusa de la meza sezion del Weser inte'l pian setentrional

I principai fluenti de la Weser e de la Werra i xe:

• Riva zanca
  • Ulster, nel Werra
  • Fulda, con l'Eder
  • Diemel
  • Große Aue
  • Hunte
• Riva drita
  • Nesse, nel Werra
  • Aller, col Leine
  • Lesum, nassuo da l'unione de Hamme e Wümme

Le cità pì grande che el fiume el traversa dopo l'union dei do corsi de aqua che i lo forma i xe: Hannoversch Münden, Bad Karlshafen, Beverungen, Höxter, Holzminden, Bodenwerder, Hamelin, Hessisch-Oldendorf, Rinteln, Vlotho, Bad Oeynhausen, Porta Westfalica, Minden, Petershagen, Nienburg, Achim, Brema, Brake, Nordenham, Bremerhaven.

Basin Idrografego de la Weser

---