Volt

Da Wikipedia, l'ençiclopedia libara.

El Volt el xe na unità de mexura derivà dal sistema internasionałe de unità de mixura (SI) del potensiałe ełetrego e de ła diferensa de potensiałe. 'L ga sto nome in onor de Alessandro Volta, che inte el 1800 creò ła piła voltaiga, ła prima bateria chìmega.

El sinboło del Volt el xe V.

Se dise che tra do ponti A e B de na rejon de spasio sede de un canpo ełetrego ghè xe na diferensa de potensiałe de 1 V se ła forsa ełetrega ła conpie el laoro de 1 J pa' portar na caregà de 1 C da A a B.

Cò te te senplifighi el conseto, el volt mixura ła forsa che i ga i singołi ełetroni, e moltiplegà co i ampere (Am), che i mixura i ełetroni che i pasa inte el tenpo, otienito ła potensa in Watt. Pa' anałoxia co i sistemi idraułisi el volt el xe l'altesa da cui l'acua ła casca, e l'ampere xe ła portà.

El volt el ga łe dimensiòni de un J/C, opùr, uxando łe sołe unità fondamentałi del SI, de un m2 · kg · s−3 · A−1

Varda anca[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Volt&oldid=981806"