Veriola
 |
||||||||||||||
 Parietaria officinalis |
||||||||||||||
| Clasificasion sientìfega | ||||||||||||||
|
||||||||||||||
| Nomenclatura binomiałe | ||||||||||||||
| Parietaria officinalis 1753 |
||||||||||||||
| Sinonimi | ||||||||||||||
| Parietaria erecta M. et K., 1823 |
Ł'erba verioła (nome sientifego Parietaria officinalis) ła xe na pianta erbazea deła fameja dełe Urticaceae , dita in inglexe wall pellitory, in todesco aufrechtes Glaskraut, in taljan erba vetriola o muraiola. Ła se ciama cusì perkè na volta se doparava sta erba par netare fiaschi e botije de vero (varda el nome anca in todesco e in taljan).
Ła crese de sołito su par i muri veci (da kua i altri nomi in inglexe e taljan)o in tereni con tanto axoto. Sta pianta, alta dai 30 ai 80 cm, anca un metro e mexo ałe volte, ła ghe someja ał'ortiga, ma łe foje no łe ga i pełeti ke sbruxa, cusì ke kuando ke se toca ła verioła, non vien spisa nè gnente. El połine vien butà fra marso e otobre. Ła verioła ła ga tanto potasio e ła vien doparà come diuretico dai erboristi (2-3 infusi al giorno de do cuciari de foje sicà in un litro de aqua).
Ałergia ała verioła [canbia]
Ła xe n'ałergia respiratoria al połine de verioła. Ła s-ciopa kuando ke'l połine xe in aria (fra marso e otobre) e ałora vien fora starnui, bruxor de oci e ataki de asma.
