Toyota Aygo

Da Wikipedia, l'ençiclopedia libara.
Infotaula d'automòbil Toyota Aygo
Tipomodeło de automòbiłe Cànbia el vałor in Wikidata
FabricanteToyota Cànbia el vałor in Wikidata
caratarìsteghe
Distansa intrà ase2 340 Cànbia el vałor in Wikidata
Dimension1 615 (larghesa) mm
Istòrego
Toyota Aygo X (it) Traduzi e Toyota Agya (en) Traduzi Cànbia el vałor in Wikidata →
Lloc webweb.archive.org… Cànbia el vałor in Wikidata


Ła Toyota Aygo ła ze na autovetura de'l tipo suparutiłitaria vendùa a partir da'l łujo 2005 fin a'l 2021. Tute łe Aygo łe ze costruìe inte l'inpianto de'l grupo TPCA (Toyota Peugeot Citroën Automobile), a Kolín (Repubblica Ceca). Prezentada ła prima volta inte'l 2005 a'l Sałon de l'automòbiłe de Zinevra, inte'l 2014 ne ze stà prezentada ła segonda zenarasion.

El contesto e ła prima serie (2005-2014)[canbia | canbia el còdaxe]

Na Aygo I Serie Restyling 2012

Ła desizion de crear 'ste auto ła ze stà tolta el 12 łujo 2001, cuando i presidenti de ła Toyota e de'l Gruppo PSA, Fujio Cho e Jean-Martin Folz respetivamente, i ga desidesto de prodùzer na picoła auto par redùzer i costi de zviłupo. Ła Peugeot 107 e ła Citroën C1 łe diverse varsion de ła mèdema auto.

Ła difarensa prinsipałe tra ła Aygo e łe só zemełe ła ze inte l'achipajamento interno, inte i stemi e inte i loghi. Ła produsion pianifegada ła ze 300.000 auto par ano e 100.000 auto par caza automobiłìstega. Łe vendite łe se ga scumisiàe inte'l łe łujo 2005 e l'auto ła ze disponibiłe co tre o sincue porte. Ghe zera do varsion motori disponibiłi, un 1.0 łitri motore a tre siłindri da 68 CV e un 1.4 łitri HDi diesel 4 siłindri in łinea motore da 54 CV.

Ła ze disponibiłe in tre ałestimenti, ad ezenpio ła Aygo Sol che ła conprende un ałozamento par l'iPod e el sistema vivavoze Bluetooth. Inte'l 2009 e inte'l 2012 ła ga subìo do picołi restyling.

Motorizasion de'l 2005 a'l 2014[canbia | canbia el còdaxe]

Modeło Disponibiłità Motor Siłindrata
(cm³) 		Potensa Copia Màsema
(Nm) 		Emision CO2
(g/km) 		0–100 km/h
(segondi) 		Vełosità max
(km/h) 		Consumo medio
(km/l)
1.0i 12V da'l 2005 a'l 2014 Benzina 998 50 kW (68 CV) 93 106 14,2 158 21,7
1.4 HDi 8V da'l 2005 a'l 2007 Diesel 1398 40 kW (55 CV) 130 109 15,6 154 -


Segonda zenarasion (2014-2021)[canbia | canbia el còdaxe]

A'l Sałon de l'automòbiłe de Zinevra de'l 2014, senpre co łe altre veture fruto de'l steso prozeto, ghe ne vien prezentada ła segonda zenarasion co un design pì resercà e tajente co un frontałe co na forma a "X" che'l sera łe preze d'aria, i zbregacałigo (fendinebbia), i sotiłi fari anteriori (co łuze diurne a led) fin ai specieti retrovizori e ai cristałi łaterałi.

'St'ùltemi, inte ła variante de carosarìa a 5 porte, i se estende fin a łanbir i ciari posteriori a zviłupo orizontałe integrài inte'l portełon a forma ezagonałe. Ła mecànega, profondamente azornada respeto a cueła de ła presedente Aygo, ła ze comun a cueła de łe citycar Citroën C1 e Peugeot 108. L'ùnego motore disponibiłe el ze e l 1.0 a tre siłindri (69 CV) a benzina co'l canbio manuałe a sincue marce o, a rechiesta, co cueło robotizà. Łe varsion diesel no łe vien pì reproponeste.

El cruscoto

Ła Aygo ła ga un diametro de stersada de 4,73 metri e ła ze deso dotada de l'Hill assist (asistensa a ła partensa in sałìa). Ła ofre anca interni inediti, caratarizài da novi abinamenti cromàteghi, mejoramenti de'l comfort par i 4 ocupanti e de ła siłensiozità interna, oltra che da ła prezensa de novi sistemi tecnołòzeghi de conetività e de infotainment. El cruscoto el ze in tonałità grizo scuro, el novo vołante rivestìo in pełe cusì cofà ła łeva de'l canbio. A ze po' disponibiłi do tipołozìe difarenti de sistemi audio, a do o cuatro altoparlanti, co'l vivavoze e porta USB co comandi integrà so'l vołante. El bagajaio el ze anpio 168 łitri co 4 posti in dòparo.


L'auto ła ze disponibiłe in 4 ałestimenti:

  • x-cool, che ła ofre speci rescaldabiłi ed ełetrisi, łimitador de vełosità, radio co vivavoze e comandi a'l vołante, climatizador e 6 airbag;
  • x-play, che ła zonta radio da 7" co retrocàmara e clima automàtega;
  • x-cite e x-clusiv, che i ofre ciave ełetrònega, fendinebbia, serci in łiga da 15" ed ełementi stiłìsteghi spesìfeghi;
  • x-wave, che ła zonta ai do ałestimenti prima sitài coverto verzibiłe in teła e canbio robotizà a 5 marce (optional par tuti i altri ałestimenti).

Optional par tuti i ałestimenti navegador, sensori de parchegio posteriori, 5 porte (de serie par ła X-cite) che po' i deventarà drioman de serie par tute łe varsion ad ecesion de ła baze X-cool e antifurto. Dadrìo i veri posteriori i ze verzibiłi soło a conpaso, sielta detada da ła nesesità de tajar i costi.

Par cuanto revarda ła seguresa automobiłìstega ła ze stada sotoposta ai crash test de l'Euro NCAP inte'l 2014, totałizando el rezultado de 4 stełe[1], mejorando el rezultado otenjùo presedentemente inte'l 2012 che'l jera stà invese de 3 stełe[2]. Inte'l 2017 ła vien da novo sotoposta a'l crash test Euro NCAP, che'l asenja a ła citycar japoneze un pontezo de 4 stełe co'l sistema Toyota Safety Sense (che'l ofre l'avizo de'l suparmarcà invołontario de łe łinee de ła carezada e ła frenada automàtega de emergensa e che ła deventa ede serie so tute łe Aygo za da ła metà de'l 2017), mentre el pontezo el cała de na steła inte'l cazo l'auto ła sia sprovista de'l dispozitivo presedentemente sità.

Restyling 2018[canbia | canbia el còdaxe]

Vista posteriora

Inte'l 2018 ezordise a'l Sałon de Ginevra 2018 el restyling de ła segonda serie de ła Aygo.[3] Vien revisto el frontałe, che'l conserva ła partegołar forma a X ma 'sta volta in tinta co ła carosarìa; in azonta, debuta novi grupi òteghi denominài Keen Look, co łuze diurne a LED integràe. Inte ła parte posteriora A resta invariada ła forma dei ciari, che 'sta volta i include a'l só interno ła tecnołozìa LED.

Na Aygo II Serie restyling 2018

I interni i vien revisti da'l ponto de vista tecnołòzego, da ła gràfega de ła strumentasion de'l cruscoto e a'l display touch (disponibiłe a partir da l'ałestimento X-play), che'l se azorna integrando ła posibiłità de conneterse tramite Android Auto e Apple CarPlay.

Par cuanto revarda ła mecànega, debuta el 1.0 tre siłindri da 72 CV. Łe modifeghe a'l sistema de iniesion e a ła valvoła EGR łe ga rendesto nesesarie par l'omołogasion a ła normativa Euro 6.2.[4]

Notasion[canbia | canbia el còdaxe]

  1. ↑ Eror: <ref> nisun testo par el marcador euroncap2014
  2. ↑ Eror: <ref> nisun testo par el marcador euroncap2012
  3. ↑ https://www.motorbox.com/auto/magazine/auto-novita/salone-di-ginevra-2018-le-novita-toyota-nuova-auris-aygo-restyling.amphtml
  4. ↑ https://www.auto.it/news/saloni/ginevra/2018/02/23-1373381/toyota_aygo_restyling_a_ginevra_x_fisso/

Vozi corełàe[canbia | canbia el còdaxe]

Altri projeti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Toyota_Aygo&oldid=1154812"