Todd Bridges

Da Wikipedia, l'ençiclopedia libara.
Va a: navigasion, serca
Todd Antony Bridges

Todd Antony Bridges (San Francisco, 27 magio 1965) xe un ator american. El xe famoxo soratuto par aver interpretà el ròło de Willy Jackson nel film Il mio amico Arnold.

Biografia[canbia | canbia sorxente]

Todd Bridges intra nel mondo del spetacoło co'l gà 6 ani fasendo el so exordio, e 'l xe primo putèło de cołor a far parte de un cast fiso de un programa tełevixivo 'merican, ła serie Una famiglia americana (conosùa anca come I Walton). Drìoman el partesìpa da guest-star a 'na gran rata de serie, cofà La casa nella prateria, Radici, Love Boat, e 'ntel 1977 el intra a far parte del cast de Fish, spin-off de ła serie Barney Miller. Xe stà però 'ntel 1978 che taca daseno a esare conosùo, grasie a ła serie Il mio amico Arnold, el cui titoło oriixinàl xera Different Strokes, conosùa anca come Harlem contro Manhattan), dove raprexenta par 8 stajon e 169 epixodi el personaxo de Willis, so fradèło maxór del protagonista Arnold (Gary Coleman).

El suceso, anca se grando a livèło mondiałe, xe però fìmero: 'ntel 1986 co' ła serie vien serà, cavando fora un horror a baso costo 'ntel 1988 (Twice Dead) e un cameo e in una comedia de serie B 'ntel 1989 (Giù le mani da mia figlia) Bridges se retrova sensa un tìbio.

No ło ajuta i problemi personałi che gà l'ator, dependente da ła cocaina da ła metà dei ani otanta e 'ntel 1988 procesà par aver provà a copàr un spaciatore. In quel'ocaxion Bridges dichiarandose non colpevołe, vien prosiòlto da tute łe acuxe.

Ła so vita canbia so'i scominsi dei ani novanta, co'l spoxa Dori, e deventa pare de Spencir, el sbandona ła droga e l'alcol łigandose a ła rełigion cristiana. Pian pianèło el riciapa in man anca ła so carièra de ator e otien nova popołarità grasie al so ròło de Juice ne ła soap-opera Amarsi e pì de recente (dal 2007 al 2009) al ròło de Monk ne ła serie Tutti odiano Chris.

El partesipà anca a nùmaroxi reality (Skating with the stars, Boxing, Celebrities, Hulk Hogan's Celebrity Championship Wrestling) e da'l 2008 el xe comentador de ła trasmision The Smoking Guns Presents: World's Dumbest...

El 2010 xe stà l'ano in cui Todd gà publicà un libro, Killing Willis, dove el conta dei so problemi co' ła droga e co' ła łexe e serca de stabiłìr 'na identità publica independente dal personaxo de "Willis" da łù interpretà .[1] El 28 avrìl 2010 el conpare nel The Oprah Winfrey Show par ventiłàr del suceso otegnùo co'l gera putèło e dei problemi legałi che ne xe derivà. Co' precixión pròpio un mexe drìo, el co-protagonista de "Diff'rent Strokes", Gary Coleman, mor a l'età de 42 ani.

'Ntel 2012 el apare in un cameo del film comedia Indovina perché ti odio dove interpreta se steso.

Dopo ła morte de Conrad Bain capitàda 'ntel xenaro 2013 el xe restà l'ùgnoło ator del cast prinsipàl de ła serie Il mio amico Arnold ancora in vita.

Vita privà[canbia | canbia sorxente]

'Ntel 1998 el spoxa Dori A. Smith e senpre ne l'ano del matrimonio ghe nase un fiòło de nome Spencir Todd Bridges.

Filmografia parsiàl[canbia | canbia sorxente]

Note[canbia | canbia sorxente]

  1. Amazon.com: Killing Willis: From Diff'rent Strokes to the Mean Streets to the Life I Always Wanted (9781439148983): Todd Bridges, Sarah Tomlinson: Books

Altri progeti[canbia | canbia sorxente]


Cołegamenti esterni[canbia | canbia sorxente]