Tetoja

Da Wikipedia, l'ençiclopedia libara.
Va a: navigasion, serca

Co la parola tetoja se intende an quert provisorio o comunque smontabile destinà a 'l ricovero de robe o de đent. Qualche olta la pol esser an edificio a parte, ma de solito la è ligada a an nantro. De solito la è verta su 3 o 4 face e al quert al pol esser pojà su pilastri (solužion adotada ten posti verti) o senò al pol esser na mensola incastrada te 'n mur portante (come le pensiline de le stažion). An ultimo caso che al è drio a ciapar piè ten sti ani al è quel de žerte tetoje destinade a 'l ricovero de la machina, che le è incastrade ten do pilastri che poja te 'l teren. Na solužion che la ghe someja forte la è quela de incastrar la tetoja te na unica fila longa de pilastri, sta olta co la linea de gorna in mež (caso doperà te le tetoje deslonch de i binari). I materjai da costružion doperadi par al teler i pol esser legn o aciaio, e par al quert se dopera de solito materjai lidieri e tante olte trasparenti. Quei che se cata pì da spess i è plexyglass, vjero, ondulato, eternit, carta catramada, lamjera.