Tenpo Coordenà Universałe

Da Wikipedia, l'ençiclopedia libara.
Va a: navigasion, serca

El Tenpo Coordenà Universałe (engl. Universal Coordinated Time, UTC -- fr. Temps Universel Coordonné) l'è na mixurasion de tenpo stàndard atòmica a alta precixion. In póche parołe el xe el fuxo oràrio de riferiménto par calcołar tuti i altri fuxi orari.

El xe fato da secundi uniformi definìi dal Tenpo Atòmico Internasionałe (TAI), zontando o cavando dei secundi a intervałi iregołari par conpensar el rałentaménto de ła rotasion terestre e altre difarense pi cee. Cavar o zontar secundi serve par tegner l'UTC in lìnea col Tenpo Universałe (Universal Time, UT), un stàndard de tenpo baxà su ła rotasion angołar de ła Tera invese che sul pasajo uniforme dei secundi.

I fuxi orari del móndo i vien calcołai e espresi come spostaminti poxitivi o negativi rispeto l' UTC. El tenpo locałe l'è l'UTC pi ła difarensa de tenpo par ła locałità considarà, pi n'altra difarensa (de sòłito +1) par l'óra legałe, se ła xe in vigor. L'UTC el ga sostituìo el Tenpo Medio de Greenwich (Greenwich Mean Time - GMT) dal 1 de Zenaro del 1972 come baxe par el cónto del tenpo in varie region.[1]

L'UTC el vien anca ciamà Óra Zulu (Z) da varie e aviasion miłitari e siviłi del móndo.

Cołegamenti foresti[canbia | canbia sorxente]