Sircuito del Fuji

Da Wikipedia, l'ençiclopedia libara.
Va a: navigasion, serca

Coordinate: 35°22′18″N 138°55′36″E / 35.37167, 138.92667

Mapa del sircuito
La nova tribuna prinsipal
La nova pitlane
La quinta curva, Hairpin Corner
La quinta curva, Hairpin Corner

El Sircuito del Fuji (Fuji International Speedway) el xè on sircuito situà ale pendixi del Monte Fuji, 'ntee visinanse dela sitadina de Yokohama en Giapon. El xè on tracià automobilistego costruìo 'ntei ani sesanta, rimodernà a pì riprese.

Storia[canbia | canbia sorxente]

Disegnà da Don Nichols e Stirling Moss, el xèra caraterizà da on longo retifil de partensa che el terminaa sora 'na velocixima curva sopraelevà. El sircuito el xè stà verto 'ntel diçenbre del 1965. Dopo l'insidente mortal subìo dal piloa niponego Hiroshi Kazato el xè stà rimanegià eliminando ea velocixima curva inisial (1975).

El 24 de otobre 1976 el ghà ospità la prima edision del Gran Premio del Giapon, primo gran premio de Formula 1 disputà en Asia. Dopo la seonda edision paro el xè stà abandonà dala masima serie motoristega; quando el Gran Premio del Giapon el xè tornà 'ntel calendario del mondiale de Formula 1, 'ntel 1987, le gare sele stae ospitae dal sircuito de Suzuka.

Dopo 'na crisi economiga visua 'ntei anni otanta el xè stà rilevà dala Toyota con l'idea de strapar l'organizasion del Gran Premio del Giapon al sircuito de Suzuka, che el xè de proprietà dela Honda.

El 10 de april 2005 la xè stà completà la rimodernasion, inisià 'ntel 2002 e curà da Hermann Tilke. Grasie ai consistenti mejoramenti dele struture, el Fuji gha otegnù la posibilità de ospitar novamente la Formula 1. Domenega 30 de setenbre 2007 la prima edision su pista rinovà la xè serà con 'na vitoria de Lewis Hamilton (McLaren Mercedes) con seondo posto par Heikki Kovalainen (Renault) e terso posto par Kimi Raikkonen (Ferrari), en 'na gara caraterizà dala piogia e partìa de drio ala safety car.

Tracià[canbia | canbia sorxente]

La version atual la misura 4.563 metri contro ei 4.359 dela version en cui el xè corso 'ntei 1976 e 1977. Dopo on longo retifil inisial la ghe xè 'na curva verso destra, seguìa da 'na serie de dodixi curve molto inpegnative. Sul sircuito del Fuji el se zira en senso orario.

Le dodixi curve del sircuito le gha la denominasion ufisial, soto riportà. La letera R la xè riferia a l'angolo radial dee curve misurà en gradi.

  1. 第一コーナー First Corner 27R
  2. 75R
  3. コカ・コーラコーナー Coca Cola Corner 80R
  4. 100R
  5. ヘアピンコーナー Hairpin Corner 30R
  6. 120R
  7. 300R
  8. ダンロップコーナー Dunlop Corner 15R
  9. 30R
  10. 45R
  11. ネッツコーナー Netz Corner 25R
  12. パナソニックコーナー Panasonic Corner 12R