Scàndało Watergate
| ||
| Sorte | scàndało pułìtego  | |
|---|---|---|
| Epònemo | Watergate (Washington) (it)  | |
| Intervało de tenpo | 17 de zugno del 1972 - 9 de agosto del 1974 | |
| Stato | Stati Unii de l'Amèrica | |
| Partesipador | ||
| Formà da | ||
Watergate burglaries (en) Presidential Proclamation 4311 of September 8, 1974, by President Gerald R. Ford granting a pardon to Richard M. Nixon. (NAID 299996) (en) Nixon White House tapes (en) Nixon's Enemies List (en) Richard Nixon's resignation speech (en) Saturday Night Massacre (en) impeachment process against Richard Nixon (en) master list of Nixon's political opponents (en) | ||
|
| ||
El scàndało Watergate, o pì senplegamente el Watergate, el ze sta un scàndało pułìtego s-ciopà inte i Stati Unii d'Amèrica inte el 1972, descaenà da ła descuerta de racuante intercetasion iłegałi fate inte el cuartier zenerałe del Comità nasionałe democràtego, da parte de ómani ligai al Partio Republegan e inte el particułare al "Comità par ła re-ełesion" del presidente Richard Nixon[1][2][3][4].
El scàndało - el cuało el ze desbocà inte na dimanda de Impeachment e a łe demision de Richard Nixon - ła ghea tolto el nome dal Watergate, un conpleso ediłìsio de Washington che el òspita el Watergate Hotel, l'albergo inte el cuało łe zera vegneste fate łe intercetasion che łe ghea dato partensa al scàndało.[1][2][5]
L'inchiesta zornałìstega promovesta da do repòrter, Bob Woodward e Carl Bernstein, ła ghea erlevà l'atension inte l'opinion pùblega par sti avegniminti scandałozi che, scumisiada cofà el conto de uno dei tanti reati cometesti da personaji secondari, ła ghea cresesto finmente rivar a ciapar drento i òmani pì arente al presidente, l'isteso Nixon e tuto el so sistema de goerno insentrà su atività iłegałi de controło e spionajo interno metesti in ato col fin de mantegnere el podere[1][2][5][6].
El scàndało el se ghea desviłupà inte el contesto de ła crize pułìtega-sociałe che ndava vanti da ani inte i Stati Unii dopo soratuto dei avegniminti de ła guera del Vietnam. L'afare Watergate el se ghea slongà co na sèrie de evegnense senpre pì clamoroze par sirca do ani, dal 1972 al 1974.
Uno dei personaji pì inportanti del scàndało el ze sta el zóvane consułente legałe de ła Caza Bianca, John Dean, che inte un primo tenpo el ghea lavorà co abiłità el cònpito gavesto da Nixon, o sia de controłare che łe notìsie no scanpase e de protèzare el presidente dal coinvolzimento inte łe crònache, coronpindo coi schei i personaji menori diretamente inplegai inte i reati, e dopo, dopo el tanto conosesto cołòcuio co Nixon del 21 de marso del 1973 inte el cuało el ghea parlà de ła prezensa de un "càncaro drentro de ła Caza Bianca", col timor de devegner ła vìtema espiatòria del scàndało, el ghea decidesto de testimoniar davanti a ła Comision del Senato e el ghea descrivesto co racuanti detaji tuti i avegnimenti, portando drento ai discorsi anca ła presidensa Nixon.
Nixon el ghea tegnesto saldo inte i do ani de cresenti dificultà pułìteghe e de aspri ràdeghi intrà i poderi del stato[7], e el ghea senpre sercà de minimizar łe so responsabiłità descargando łe colpe su racuanti dei so cołaboratori pì inportanti, ma ła publegasion de ła rezistrasion segreta conosesta cofà "ła pistoła fumegante" (smoking gun) inte l'agosto 1974 da ła cuała se sentia che el presidente el zera informà de tuto fin dal prinsìpio de łe atività iłegałi e el gaveva par fin desfrutà el so podere par ocultar el coinvolzimento direto dei òmani de ła Caza Bianca, el ga portà co sì mèdema ła prospetiva de un seguro impeachment. Richard Nixon el ghea dazesto łe so demision pochi dì dopo, l'8 de agosto 1974.
L'afare Watergate el gaveva costituio el pì grando scàndało pułìtego de ła stòria americana e el ga avesto un grando rezalto internasionałe. La istesa paroła "Watergate" el ze devegnesta lenguistegamente produtiva inte el lénguajo zornalìstego american: el sufiso -gate el fa conparensa de règoła col signifegar de "scàndało"[8][9] in racuanti neołozismi[10][11][12].
Notasion
[canbia | canbia el còdaxe]- ↑ 1,0 1,1 1,2 Lo scandalo WatergateIl Post, 17 de majo 2017. entrada l'8 de zenaro 2019.
- ↑ 2,0 2,1 2,2 La storia del WatergateIl Post, 17 de zugno 2012. entrada l'8 de zenaro 2019.
- ↑ James M. Perry, Watergate Case Study, Columbia School of Journalism, Columbia University.
- ↑ Watergate: chronology of a crisis, Washington D.C., Congressional Quarterly Inc., 1973, 8, 133, 140, 180, 188.
- ↑ 5,0 5,1 Watergate, caso nell'Enciclopedia Treccaniwww.treccani.it. entrada l'8 de zenaro 2019 (archivià dal URL orizenałe il 27 maggio 2017).
- ↑ Che cosa è il Watergate?Focus.it. entrada l'8 de zenaro 2019.
- ↑ A burglary turns into a constitutional crisis, in CNN, June 16, 2004.
- ↑ Trahair, R.C.S From Aristotelian to Reaganomics: A Dictionary of Eponyms With Biographies in the Social Sciences. Santa Barbara, CA: Greenwood Publishing Group, 1994. ISBN 0-313-27961-6
- ↑ Hamilton, Dagmar S. "The Nixon Impeachment and the Abuse of Presidential Power", In Watergate and Afterward: The Legacy of Richard M. Nixon. Leon Friedman and William F. Levantrosser, eds. Santa Barbara, CA: Greenwood Publishing Group, 1992. ISBN 0-313-27781-8
- ↑ Smith, Ronald D. and Richter, William Lee. Fascinating People and Astounding Events From American History. Santa Barbara, CA: ABC-CLIO, 1993. ISBN 0-87436-693-3
- ↑ Lull, James and Hinerman, Stephen. Media Scandals: Morality and Desire in the Popular Culture Marketplace. New York: Columbia University Press, 1997. ISBN 0-231-11165-7
- ↑ El 'valijagate' sigue dando disgustos a Cristina Fernández | Internacional, in El País, November 4, 2008.
Altri projeti
[canbia | canbia el còdaxe]
Wikimedia Commons el detien imàjini o altri file so Scàndało Watergate
el detien schemi gràfeghi so
Linganbi foresti
[canbia | canbia el còdaxe]- Watergate, caso, in Disionàrio de istòria, Istituto de ła Ençiclopedia Italiana, 2010.
- (EN) Rick Perlstein, Watergate scandalEnçiclopedia Britannica, Encyclopædia Britannica, Inc.
| Controło de autorità | LCCN (EN) sh85145735 · GND (DE) 4189311-6 · BNF (FR) cb11948745h (data) · BNE (ES) XX530780 (data) · NDL (EN, JA) 00574170 |
|---|