San Leonardo

Da Wikipedia, l'ençiclopedia libara.
Va a: navigasion, serca
Dipinto del XV secoło con san Sebastian, san Leonardo e santa Caterina

Leonardo de Noblac (Gallia, VI secoło - Saint-Léonard-de-Noblat, 6 de novenbre 545 ?) el xe sta on eremita. Santo par ła Ciesa catolega, ła so venerasion ła se ga difusa in Eoropa a partire dal XI secoło.

Biografia[canbia | canbia sorxente]

San Piero, santa Marta, santa Maria Madałena e san Leonardo 'nte on dipinto del Correggio

Nato in Gallia da nobiłi franchi a ł'epoca de ł'Imperador Anastasio, el se ga rifiutà de aruolarse par tegnerghe drio a l'ałora arcivescovo de Reims, San Remigio.

El re Clodoveo, amigo de ła so fameja, el ghe ga conceso ałora, la facoltà de liberare i prisonieri che el gavese incontrà. Ałora Leonardo el ga sfrutà sta posibiłità liberando on gran numaro de persone ridote małe e prive de libertà. Leonardo po' el ga rifiutà l'oferta deła sede vescoviłe, preferendo ritirarse 'nte on monastièr a Orleans.

Pì tardi el se ga ritirà da eremita 'nte łe foreste del Limoşin. El ga 'vu tante persone che ghe tegneva drio e ła nomeja de ła so santità ła xe rivà fin al re che el gaveva so mujure che ła gaveva dificoltà a partorire. Graçie a Leonardo ła regina ła riusì a dare ała luce el putin e el re Clodoveo, par riconosenza el ghe ga conceso 'na parte del bosco par edificare on monastièr. Leonardo ałora el ga costruio on oratorio intitołà ała Madona e drento on altare in onor de san Remigio.

Ła tradision ła vołe che el santo el sia morto el 6 de novenbre, ma non se sà de che ano. Dal nobiliacum ga ciapà el nome anca ła sitadina che se ga formà intorno al monastièr e che in scuminsio ga ciapà el nome de Noblac, quindi Noblat onquò xe ciamà Saint-Léonard-de-Noblat in onore del so iłustre fondatore.

San Leonardo in Itałia[canbia | canbia sorxente]

El culto de San Leonardo l'è sta portà in Italia - sopratuto in Sicilia - dai normani. 'Ntel comune de Serradifalco in provincia de Caltaniseta łe xe custodie dełe relique del santo. Chi ła festa in so onore ła se fa in agosto invese che in novenbre. Nel comune de Partinico in provincia de Palermo vien fata 'na procesion rełijoşa. A Viładose in provincia de Rovigo, 'nte ła ciesa parochiałe ghe xe on osso del Santo rivà da San Leonard de Noblac 'nte i ani '70.

Cołegamenti foresti[canbia | canbia sorxente]