Preson

Da Wikipedia, l'ençiclopedia libara.
Va a: navigasion, serca

La preson l'è el posto n'do i giudizi i fa serar i birbanti che i xe stadi condanadi o se no quei che i sarà procesadi per robe gravi perchè no i scampa prima del proces opura ghe se' pericol che i faga ancora le stese birbantade opura che i xerca de misciar le prove prima del proces.

A Venesia la preson l'era 'na olta tacada al palas del doxe, ma ades l'è a santa Maria.

Le regole dele preson i Taliani i le ciama "Ordinamento Penitenziario".

Storia[canbia | canbia sorxente]

Le preson le ghe sempre stade fin dai antichi, sol che 'na olta le gera 'n posto in do i custodiva i briganti o i presoneri de guera 'n tant che se dexideva cosa farne, invese nei ultimi dosento ani l'è deventà anca 'n posto 'n do se paga il fio o 'l castigo de le birbantade. Se vol dir che sin a dosento ani fa 'l castigo 'l gera o eser copadi 'n te na maniera pu o men cativa opura, se se tratava de 'n zoven robusto, mandà a remar sule galee per diese ani (ma l'era 'n gran difizile che un l'arivase a durar 'n solo ano), opura, se nol gera robe tanto gravi, pagar 'na bona multa o eser mandà via dala zona 'n do se steva o ciapar 'n poche de bastonade se no se gaveva i soldi per la multa. Ghe gera anco i capitani da mar che quando i dropava sciavi per le galee da guera i ghe diseva ai giudizi a moverse co le condane perchè i dropava remadori e de no torturarli masa perchè se i ghe slogava le spale cola corda dopo no i remava pu tant ben. 'N te la preson se tegniva anca i sciavi da remo quando la galea la gera a Venesia. Tanti remadori i capitani da mar i gera nadi a ciaparli su per le coste della Sciavonia per procurarsene de pu e i li ciamava sciavoni ('nvezi che sciavi) perchè i li xercava beli grandi e grosi che i remasa con pu forza. I remadori i se comprava anca dal vesco de Trent che 'l gaveva qualche brigante bel robusto, ma no 'l gaveva galee 'n do meterlo al remo.