Premium Action

Premium Action el ze stà un canałe tełevizivo a pagamento edito da Mediaset. El canałe el ga scumisià a trazméter ła só programasion el 1º apriłe 2013.

El speaker uficiałe de'l canałe el zera el dopiator Massimo De Ambrosis.

Storia[canbia | canbia el còdaxe]

Nasùo so ła piataforma Mediaset Premium orizenariamente come Steel, brand edito da NBC Universal a cui Mediaset ła cołaborava fornìndo łe propie fiction e ocupandose de ła rancura publisitaria, Premium Action ła nase a sèvito de na reorganizasion de ła piataforma da parte de Mediaset che, oltra a'l canbio de nome, ła ghe ne asume el controło editoriałe ereditando i contenjùdi fin deso trazmesi e pontando de pì el pałinsesto so film e serie tełevizive a caratere action. Ła ga scominsià łe trazmision a łe ore 06:00 de'l 1º apriłe 2013, trazmetendo el spesiałe Ultra.

El 23 zunjo 2015 a sèito de ła reorganizasio editoriałe de ła piataforma Mediaset Premium, el canałe el vien łansà anca inte łe varsion in HD e timeshift +24 co ła conseguente serada de'l canałe in modałità SD. El 19 apriłe 2018 el canałe el torna a trazmétar escluzivamente in SD. El 1º zunjo 2018 A vien sarà ła varsion +24 e ła pasa so i canałi 316 e 460. Da'l 1º zunjo 2018 el canałe el vien rezo disponibiłe anca a l'interno de ła piataforma Infinity inte ła sesion "Canali Live".^[1] Da'l 4 zunjo 2018 el canałe el entra anca a l'interno de ła piataforma Sky Italia a'l canałe 125 in alta definision.^[2]

Da apriłe 2019 el canałe el ze disponibiłe anca so Sky Go. Da'l 1º zunjo 2019, drioman a ła serada de Mediaset Premium, el canałe el ze restà disponibiłe escluzivamente so łe piataforme Infinity e Sky Italia. Da'l 1º apriłe 2021 el ze disponibiłe anca in HD so Sky Go. Da l'8 apriłe 2021, co l'union de Infinity e Mediaset Play inte ła nova piataforma Mediaset Play Infinity, el canałe el ze disponibiłe so Infinity+. El 10 zenaro 2022 Premium Action, insieme ai altri canałi a pagamento de'l grupo Mediaset, el tèrmena łe trazmision.^[3]