Pregiudisio

Da Wikipedia, l'ençiclopedia libara.
Va a: navigasion, serca
Sta pajina xè orfana
Sta pajina xè orfana, overo priva de cołegamenti in entrata da altre pajine
Inserissighene almanco uno pertinente e cava l'avixo

El termine pregiudisio el pol axumar diversi significai, ognun in qualche modo cołegà a ła nozion de "giudisio prematuro" (sioè parziałe e baxà su argomenti insufisienti e su na łoro no conpleta o indireta conossensa).

Siense sociałi e psicołogia[canbia | canbia sorxente]

N'tel łengoajo de ła psicołogia sociałe, quando che se parla de pregiudisi se se referisse a un tipo particołare de ategiamenti. Propiamente, i xe ategiamenti intergrupo, sioè poxision de favor o sfavor che i gà par ogeto un grupo, se forma 'nte łe relasion intergrupo e rexulta łargamente condivixe. In psicołogia sociałe se se xe interexai sopratuto dei pregiudisi negativi; ma ghe ne existe anca de poxitivi e de neutrałi. El pregiudisio el pol èser anałizà da un punto de vista antropołogego perché el nasse dal comun modo de aproziarse verso ła realtà. El fa parte quindi del senso comun, che ła xe quela forma de pensiero e de ragionamento che la apartien a na cultura e ghe ne plasma ła produsion culturałe in modo inconsapevołe. Se pol dir anca che i pregiudisi i xe culturałi n'tel senso che varia da cultura a cultura. A exenpio i europei i gà determinai pregiudisi 'ntei confronti de łe quałità fixeghe e psicołogeghe de ła razza nera. Molte tribù africane, a l'oposto, le pensa che i europei i sia portatori de stregoneria 'nte ła łoro terra. Inoltre ghe xe baxi psicołogeghe parché el xe un pensiero che se baxa sule paure e łe fobie del singoło individo. A exenpio, un pregiudisio el pol portar al razzismo, perché se ga paura de l'altro, de l'altra cultura, spezie quando che ła se conosse poco. Dunque l'ignoransa in un determinàdo canpo porta al pregiudisio.

Un pregiudisio el xe generalmente baxà su na prediłesion imotivà par un particołare punto de vista o na particołare ideołogia. Un tałe pregiudisio el pol a exenpio condure a asetar o refiutar ła verità de na dichiarasion no in baxe a ła forza dei argomenti a suporto de ła dechiarasion stéxa, ma in baxe a ła corispondensa a łe propie idee preconzete. Sensa quindi alcuna reflexion.

Ciò no el signifega che el sia nezexario, prima de afrontar qualsiaxi question, łiberarse da ogni pregiudisio (Raimon Panikkar el ga demostrà l'inposibiłità de na tałe operasion, cui Hannah Arendt gaveva cà azenà a ła fine del łibro Łe origini del totałitarismo), ma soło che de ogni propio pregiudisio vaga axunta piena consapevołeza, al fine de relativixarne el pexo e de abandonar ogni insostenibiłe pretexa de verità a priori. Soło cusì el xe posibiłe instaurar un diałogo tra religion diverse 'ntel quałe i interlocutori no i deba renunsiar a łe propie pì genuine e marcae poxision: i punti de incontro no i va trovai a scapito de łe irinunsiabiłi e manifeste inconpatibiłità, e tutavia el diałogo el xe posibiłe propio parché nexuno crede che ła propia verità renda menzogna quela de l'altro.

Statistega[canbia | canbia sorxente]

'Nte ła statistega, el termine sta a indicar ła tendensa de un sogeto a sovrastimar o sotostimar ła vałutasion de un serto insieme de dati, el che el vien visto in sto anbito, sia come un defeto da parte del sperimentator, sia come qualcoxa de ocaxionalmente utiłe (a volte el xe defati indispensabiłe, par poderse servir adegoatamente dei dati a despoxision, de un'interpretasion dei stési; el problema, come azenà prima, no el xe łiberarse de ogni interpretasion - el punto de vista axołuto, ogetivo, universałe o addiritura neutrałe, no el pol existar - ma soło rendar cosiensa del fato che ła propia ła xe una de łe interpretasion posibiłi).

Siensa[canbia | canbia sorxente]

'Nte ła fiłoxofia de ła siensa el termine "pregiudisio" el ga a che far co quei fatori psicołogegi che i altera i esperimenti de verifega de łe ipotexi.

Varda anca[canbia | canbia sorxente]