Monferà

Da Wikipedia, l'ençiclopedia libara.
Va a: navigasion, serca
Paesazo del Monferà

El Monferà (in piemontese Monfrà [mʊŋ'fra], in talian Monferrato) el xe na region storega del Piemonte. El so teritorio, squasi completamente de tipo coliner, el xe chiapà rento le provinzie de Aste e de Alessandria e el se destira verso sud a partir da la banda drita del fiume Po.
El confina co de altre region storeghe del Piemonte cofà le Langhe e el Roero.

Etimolosia[canbia | canbia sorxente]

Ghe xe varie interpretazion e ipotese su l'etimolosia de la parola "Monferà", ma fin a uncuò nissuna la xe certa. Infra tute va ricordada quela che la la faria derivar da "Monte" e da "faro", na varietà de frumento; n'altra secondo la qual la derivaria dal ladin "Mons ferax", zoè monte fertil e sior; n'altra uncora la faria riferimento ai feri lassai dai Romani inte la so conquista, dal qual "Mons ferratus". Infin na interpretazion la derivaria da na lezenda par la qual Aleramo, volendo ferar un cavalo e no catando i materiai adati, el gavaria doparà un matone ("mun" in lengua piemontese) e cussì el cavalo el xe stà ferà "frrha": da quà el nome Monferà.

Lengue ciacolae[canbia | canbia sorxente]

Monferà Basso

La parlada tipega la xe el piemontese. Esiste similitudene a la lengua lombarda de la Lomelina e del Pavese esclusivamente inte i centri in prossimità del confin co la Lombardia.

Monferà Astesan

La parlada tipega la xe l'astesan, un dialeto piemontese oriental, o basso piemontese de la lengua piemontese. El vien chiacolà a Aste e provinzia.

Monferà Alto

Inte l'Acquese la parlada tipega la xe el piemontese; inte l'Ovadese e inte'l Novese la parlada la xe el liguro. Ghe xe reciproche infruenze.