Mapa

Vecìa mapa de Genova

Na mapa, dita anca napa, ła xè na raprexentasion senplifegà del spasio che evidensia relasion tra conponenti (ogeti, region) de chel spasio. Na mapa ła xè comunemente na raprexentasion in do dimension, giometrigamente acurada, de un spasio tridimensionałe, come par exenpio na carta giografica. Pì in xenerałe, łe mape łe pol esar uxae par raprexentar calsiasi propietà locałe del mondo o parte de eso, o calsiasi altro spasio, anca mentałe o concetuałe.

Giografia

Par saverghene de pì, varda łe pajine Topografia e Carta giografega.

Ła mapa inte ła topografia ła xè na raprexentasion grafega de na xona de teritorio, riprodota in scała.

Storia del termine

Ła mappa, inte ła Roma antica ła gera un pano de lin dopàra come tovajoło so łe tółe patrisie. Xera dita mapa anca el drapo roso có'l quałe i bestiari esitava el toro inte'l sirco, come pure el pano che 'l inperador o i magistrai butava inte l'arena par scominsiar łe corse.

Inte'l epoca volgare, ła mapa ła ga scominsià a entrar inte'l rituałe liturxego cristian, par coerxare i altari. Inte'l tardo inpero el termine el xe pasà a indicar i libri e i editi scriti su teła. I antichi agronomi i gà ciamà mape (parché exeguìe speso su teła) ogni raprexentasion grafega de na xona de tereno. Da cuà 'l uxo moderno de ła paroła.

Mape catasticałi

Par saverghene de pì, varda ła pajina Catastico.

Łe mape catasticałi łe costruise particołari documenti del catastico in cui vien descriti i posesi fondiari e łe partexełe in cui esi se imaginano sconposti.

El teritorio de ogni comune el xè sudivixo in foji catasticałi progresivamente numerai da nord a est, ciascun dei quałi el conprende grafegamente łe singołe partexełe de teritorio. Ogni partexeła ła identifega ła minima unità inpoxitiva, riferìa al tipo de coltura a al sogeto titołare de diriti su de esa. L'identifegasion de un imobiłe o de un teren traverso i estremi riportài inte łe mape catasticałi ła xè nesesaria par calsiasi ato xuridego costitutivo, estintivo o modifegativo de diriti reałi.

Varda anca

• Giografia

Altri projeti

• Commons

• Su Commons ghe xe dei file multimediałi su Mapa

Łigadure foreste

• [1] Ilustrasion, definision e riserca estrati mapa in tuta Itałia
• [2] imaxine e raconto de ła mapa de Imola, capolaoro del 1500 de Leonardo Da Vinci
• La Biblioteca Eoropea. Łe pì inportanti e storiche cartine giografeghe d'Eoropa on line.
• Cartine e mape storeghe divixe par periodo
• Cool Maps