Luca Zaia
 | |
| Biografia | |
|---|---|
| Nasimènto | 27 de marso del 1968  (56 ani)Conejan (Itàlia) |
| Presidente del Vèneto | |
| 13 de apriłe del 2010 – ← Giancarlo Galan | |
| Ministro de łe pułìteghe agrìcułe, ałimentàrie e forestałi d'Itàlia | |
| 8 de majo del 2008 – 16 de apriłe del 2010 ← Paolo De Castro – Giancarlo Galan → Goerno: Goerno Berlusconi IV | |
| Presidente de ła Provincia de Trevizo | |
| 10 de zugno del 1998 – 19 de majo del 2005 ← Giovanni Mazzonetto (it)  – Leonardo Muraro (it) → | |
| Dati personałi | |
| Formasion | Università degli Studi di Udine (it) Is Cerletti (it) |
| Atività | |
| Ocupasion | |
| Partio | Łiga Vèneta Lega Nord |
| Fameja | |
| Fiołi | nisun vałore
|
| Sito web | lucazaia.it |
   | |
Luca Zaia (Conejàn, 27 marso 1968) xe un [[połitego |połitego]] [[Itàłia |itałian]]. El xe el atuałe Presidente de la rejòn Veneto.
Biografìa e cariera pułìtega
[canbia | canbia el còdaxe]Laureà in siense de ła produsion animałe inte ła facoltà de medexìna veterinària inte ła università dei studi de Udine, inte el 1993, el xe sta elèto consejero comunałe a Godega de Sant'Urban inte łe liste de ła Lega Nord-Liga Vèneta.
Inte el 1995 el xe entrà inte el consejo provinsiałe, faxendo anca el asesor a l'agricoltura, cuìndi el xe deventà presidente de ła provincia de Treviso dal zugno del 1998 a l'apriłe 2005.
Dopo el gà ricoverto difarenti incàreghi inte ła rejon Veneto: vicepresidente de ła xonta rejonałe (2005-2008), co varie dèleghe al torismo, a l'agricoltura, al desviłupo montanaro e a l'identità vèneta. Inte el periodo da asesor al torismo, ła rejon ła xe devegnesta ła prima par prexense torìsteghe in Itałia [1].
Ministro de łe pułìteghe agricołe, ałimentari e forestałi
[canbia | canbia el còdaxe]El 8 màjo 2008, Luca Zaia, el devien ministro par łe pułiteghe agricołe inte el Goerno Berlusconi IV.
El primo problema che el ga gavesto far fronte cofà ministro, el xe sta cheło de l'esportasion del Bruneło de Montalsin inte i Stati Unii de la Mèrica, vietà dopo che xera stae catae fora un fià de partìe de vin co sertifegasion false. Cheła volta, Zaia el gà faxesto el goerno garante de ła cuałità de l'apresà vin toscan e el gà vołesto siglar publegamente el acordo, faxendo in manjiera che la sołusion del problema el gavese el isteso rexalto pùblego che ga avesto el problema steso.
Inte el 2009, poco prima del G8 de l'Acuiła, el gà presiedesto inte el Castelbrando de Cison de Valmarin el primo G8 agrìcuło, vertexe che ga fa parlà, intrà altre robe, el tema de ła fame inte el mondo.
Połèmeghe so l'Authority ałimentare nasionałe a Foxa
[canbia | canbia el còdaxe]Come stabiłìo dal goerno Prodi II e dal goerno Berlusconi, Foxa ła xe stà ełexesta cofà sede de l'Ajensia nasionałe par ła seguresa ałimentare: Zaia insieme ai deputai leghisti el gà tutavìa disentìo, proponendo Verona al posto de ła sità pujese, dasando pèrdare Parma, xà sede de l'autorithy eoropea. I so discorsi i ga descaenà połemeghe no soło che da parte de łe forse de opoxision (che i gà ciamà in cauxa el ministro lecexo Raffaele Fitto), ma anca i stesi parlamentàri pujexi del Pdl no i xe stài contenti[2]. Senatori de majoransa e de opoxision i gà prexentà na mosion par inpegnàr el ministro del Welfare, Maurizio Sacconi e el ministro de łe pułìteghe agrìcułe Luca Zaia a confermàr l'indegasion de Foxa cofà sede de l'agensìa, che in chel momento, ła gaveva soło che inte ła carta[2].
Candidatura a ła presidensa del Veneto
[canbia | canbia el còdaxe]El 19 disénbre 2009 vién ufisiałixà ła candidatura de Zaia a łe ełesion rejonàłi del Veneto da ła diresion nasionałe del movimento che se gà riunìo a Padova. Ła candidatura de Zaia ła xe stà votàda a l'unanimità[3] e ła xe stà sostegnésta da łe liste de ła Lega Nord, del Popoło de ła Libartà e da na tersa lista comùn tra Aleansa de Centro de Francesco Pionati, l'atuàłe Democrasia Cristiana e del Veneto par el Partio Popołare Europeo de Giorgio Carollo.
El gà vinto łe elesion otegnendo pì del 60% dei consensi, aviandose a devegnér el decimo Presidente de ła Rejòn Veneto,
nonché el piexe votà tra i candidai Presidente in ItaƗia [4]. El xe sucedùo al Presidente Giancarlo Galan.
En el 1° Apriłe el xe gà ricandidà ofisialmente par ełe ełesion resionałi del 31 Maio 2015, e el xe stà riconfermà presidente de ła Rejon Veneto co pì del 50% dei voti.
Aspèti controvèrsi
[canbia | canbia el còdaxe]Zaia xe noto ànca par algùne visénde ligàe a ła sò vida privata.
El 4 agosto 2006 el gà salvà un citadìn albanexe che, dopo un insidente , el era stà intrapołà inte ła sò machina che ła xera drìo bruxar; Zaia in chel periodo el xera vicepresidente de ła rejòn el gà risposto a un jornałista: «Non ciamème eroe, a gò fato queło che dovarìa far ogni citadìn, a sò restà disgustà de fronte a chi che gà tirà vanti sensa fermarse» [5]
El 18 lùjo 2007 Zaia, a chel tempo vicepresidente de ła rejòn Veneto l'è stà multà par eceso de vełosità da na patùja de ła Połisìa de Stato mentre el jera drio percorere a 193 km/h l'Autostrada A27 [6]. El càxo el gà acuixìo na serta rilevànsa inte ła cronaca nasionałe parché, co el suporto de ła Provincia, Zaia gaveva istituìo dei Centri de guida segùra par l'educasion stradàłe dei xòvani, co el fin de diminuir i insidenti stradàłi. Inòltre, el fàto l'è suceso dopo na serie de insidenti stradàłli cauxài dal abuxo de alcool e da l'alta vełosità che gaveva godùo de parécia atension da parte de ła stampa.
Note
[canbia | canbia el còdaxe]- ↑ Comunicato stampa della Regione Veneto
- ↑ [1] (ligo ronpesto dispunìbiłe in Internet Archive; védarse el istòrego, la prima version e ła ùltema). Cfr.: Zaia candidato: c'è il sigillo della Lega dal Corriere del Veneto del 19 dicembre 2009
- ↑ http://www.consiglioveneto.it/crvportal/pageContainer.jsp?n=5&p=5&c=1&e=12&t=0&key=451 Archivià il 4 de marso 2016 in Internet Archive.
- ↑ Articolo dal Corriere della Sera.
- ↑ L'articolo su [[La Repubblica|la Repubblica.it]]repubblica.it. Wikilink compreso nell'URL del titolo (juto)
Linganbi foresti
[canbia | canbia el còdaxe]- Sito ufisałelucazaia.it.
- Zaia, LucaTreccani.it – Enciclopedie on line, Istituto de ła Ençiclopedia Italiana.
- Luca ZaiaOpenpolis, Associazione Openpolis.
- Registrazioni di Luca ZaiaRadioRadicale.it, Radio Radicale.
Wikimedia Commons el detien imàjini o altri file so Luca Zaia
el detien schemi gràfeghi so
| Controło de autorità | VIAF (EN) 120542811 · ISNI (EN) 0000 0000 7789 6184 · El vałore PUVV396217 de SBN no el xe mija bon. · LCCN (EN) no2010060317 · GND (DE) 1205279911 · WorldCat Identities (EN) no2010-060317 |
|---|