Jeff Beck

Jeff Beck
Nome orizenałe	(en) Geoffrey Arnold Beck
Biografia
Nasimènto	24 de zugno del 1944 ; Wallington (Inghiltera) (it)
Morte	10 de zenaro del 2023 (78 ani); Wadhurst (Inghiltera) (it)
Càuza de morte	Càuze nadurałi (Bacterial meningitis (en) )
Liogo de sepełimento	St Mary the Virgin Churchyard (en)
Dati personałi
Formasion	Wimbledon College of Art (en)
Atività
Canpo de laoro	Rock, jazz rock (en) , musica strumentale (it) e ezibision de chitarra
Ocupasion	chitarista, produtor discogràfego, artista discogràfego, mùzicista de rock, conpozidor de canson, conpozitor, chitarista jazz, cantante de rock
Atività	1964
Menbro de	The Yardbirds (it) ; The Jeff Beck Group (it) ; Beck, Bogert & Appice (it)
Zènare	Rock, blues, Blues Rock e fusion (it)
Instrumento muzicałe	ghitara, canto, voze, viołin
Targheta discogràfega	Parlophone
Repertòrio
	Hard Rock, Blues Rock, British Blues, Fusion, Pop Rock, Proto-metal, Funk
	(31 de zenaro del 2010) Grammy Award for Best Rock Instrumental Performance (en) , premià par A Day in the Life (it) ; (2009) Rock and Roll Hall of Fame; MOJO Awards (en) ;
Sito web	jeffbeck.com

Jeff Beck, che el vero el nome el ze Geoffrey Arnold Beck (London Borough of Sutton, 24 zunjo 1944 - Wadhurst 10 zenaro 20223), el ze stà un ghitarista e cantante britànego

El ze uno dei ghitaristi pì influenti dei ani sesanta e setanta, e anca intrà i pì inportanti par la creansa de ła ghitara moderna, contribuindo a mostrar 'sto stumento in pì zènari, cofà par ezenpio el blues rock, heavy metal, fusion e hard rock. Łe parołe de Slash so Jeff Jeff łe pol inbrasarse na ghitara in òca e co'l mànego storto, e farla sonar straben isteso!

Biografia

Inte i Yardbirds

Nasùo a Wallington, Beck da cèo el cantava inte łe Cieze e a dieze ani el gà tacà aver le só prime espariense strumentałi sonando na vecia ghitara acustega. El ga scomensà ła só cariera inte i primi ani sesanta fasendo el turnista. Inte'l 1964 el ga avùo ła só prima rezistrasion par l'eticheta Parlophone che senpre inte'l steso ano el gaveva publegà el singoło de'l grupo The Fitz and Startz ciamà I'm Not Running Away, che'l includeva So Sweet so'l łado B. Inte 'l 1965 el ze stà reclutà dai Yardbirds, che i gaveva 'pena perso Eric Clapton che'l se gaveva trasferìo inte i John Mayall's Bluesbreakers. A ze stà co Beck che i Yardbirds i ze deventài un grupo famozo so ła sena de'l rock britànego de ła fine dei ani sesanta. Beck, el s'a mostrà masime proveto show man e inte ła formasion, in conpanjìa de Jimmy Page, el ga fato parte anca inte'l film pòłeze de ła Swinging London: Blow-Up de'l 1966, in cui i Yardbirds i gaveva zirà algune sequénse dove Beck el desfasa na ghitara (fasendo l'imitasion de Pete Townshend dei Who, sielti in un primo tenpo par el film de Antonioni).

Inte'l 1966 Beck el ga condivizo el proio roło de ghitara sołista dei Yardbirds co Jimmy Page. Co el grupo el ze riusìo a insìder un ùnjoło àlbun, Roger the Engineer (1966); dopo 18 mezi, par razon de sałute, el gà mołà.

Jeff Beck Group (Nome del grupo de Jeff Beck)

L'ano drìo Beck el gà fondà un nòvo grupo, ciamà Jeff Beck Group; faseva parte anca Rod Stewart a ła voze, Ron Wood a'l baso, Nicky Hopkins a'l pianoforte e Mick Waller a ła bataria. El grupo el ga insizo do àlbun: Truth (1968) e Beck-Ola (1969). Tuti do 'sti łaori i ze stài acòlti un mondo ben da ła critica, e ancùo i ze considerài antesinjani de l'heavy metal (tra l'altro i ga presedùo de na scianta i àlbun dei Led Zeppelin).

So'l fenìr de'l 1969, atriti a l'interno de'l grupo i gavea menà Stewart e Wood a zbandonar ła formasion. Beck el ga creà na segonda formasion de'l grupo, co Clive Chapman a'l baso, Max Middleton a e tastiere, Cozy Powell a ła bataria e Bob Tench a ła voze. 'Sto grupo el gavea ciapà n'alra diresion artistega rispeto a cueła de prima, unìndo ełementi pop, rock, rhythm'n'blues e jazz, antisipando ła fusion. I gà publegà do àlbun: Rough and Ready (1971) e The Jeff Beck Group (1972). Anca sta segonda incarnasion de'l "Jeff Beck Group" ła se ga desfà daspò un parìodo.

Inte'l 1972, Beck el ga fato nàser na nova formasion, el power trio Beck, Bogert & Appice, co Carmine Appice a ła batarìa e Tim Bogert a'l baso (sesion ritmica dei Vanilla Fudge); 'sta formasion ła ga insidesto noma che un singoło de suceso, na cover de Superstition de Stevie Wonder.

Carièra da sołista

Inte'l 1975, Beck ga insidesto un àlbun sołista strumentałe desizamente fusion, Blow by Blow, che'l ga avùo un suceso insperà de pùblego e de critica. 'Sto łaoro el ze stà seguìo da na cołaborasion de Beck co Jan Hammer par l'àlbun Wired (1976), n'altro àlbun asé apresà da ła critica.

Drioman, Beck el ga insizo in modo sporadico, dedicandse a propi łaori sołisti o discontinue cołaborasion. Fra i łaori sołisti A se ga da sitar There and Back (1980, co Simon Phillips e Jan Hammer), Flash (1985, co Rod Stewart e Jan Hammer), Jeff Beck's Guitar Shop (1989, co Terry Bozzio), Crazy Legs (1993), Who Else (1999), e You Had It Coming (2001), Jeff (2003).

Fra łe cołaboasion A se pol sitar cuełe co Jon Bon Jovi, Les Paul, Cyndi Lauper, Roger Waters (Amused to Death), Brian May (Another World), ZZ Top (XXX), Carlos Santana e co tanti altri artisti de fama mondiałe.

Strumentasion

In xeneràl Jeff sona chitare Fender, anca se durante ła so carièra gà uxà in publico chitare de altre marche tra cui par exenpio ła sełebre Gibson Les Paul e łe Charvel/Jackson, co un modèło sviłupà col steso Grover Jackson. Famoxa xe ła so Fender Esquire del 1954, de cui po' Fender gà reałixà na replice in version limità soło che a 100 exenplari. Atualmente Beck sona na Stratocaster reałixàda da Fender segondo łe caratisteghe ch'el vòłe : el "roller nut", un particołàr caotasto dotà de sfere che agevoła el sbrisàr de łe corde, e łe mecaneghe autoblocanti de ła Schaller, ła cui conbinasion parmete de mantegnir bona l'incordadùra anca a seguito de un uxo drastico de ła łièva del vibrà (tecnica inte ła cuała Jeff xe oncora ancùo considerà un mestro); el ponte a do vide, che permete na megio escursion de ła łièva; un mànego (acero/pałisandro) reałixà coun profiło esclusivo e, soratuto, e pick-up Fender Hot Noiseless reałixài segondo łe so carateristghe, dotài de na pasta sonora pì calda rispeto ai Noiseless che Fender uxava so'i so modèłi deluxe prima del 2010 (nel corso de ła so carièra Beck gà sviłupà diversi pick-up par chitara ełetrica, alcuni dei cuałi gode tutora de gran popołarità intrà i chitaristi rock, cofà ad esenpio el "JB" reałixà par Seymour Duncan).

Fender produxe e vende repliche de sta chitara sia in edision stàndar, sia in edision "Custom Shop". Parlando de łe so chitarre, Jeff Beck gà dichiarà (1993) de averne 44, de łe cuałi soło na minima parte sarìa strumenti boni, zontando ch'el pì de łe volte selie ła Stratocaster, che considera un strumento un mucio versatiłe. Jeff utiłixa anplificatori prevałentemente de marca Marshall o Fender, e sona soratuto co łe dita, overosìpia sensa l'utiłixo de ła patàca.

Discografia

Yardbirds

Jeff Beck Group

Beck, Bogert & Appice

1973 - Beck, Bogert & Appice
1974 - Beck, Bogert & Appice Live in Japan

Sołista

Live

Racolte

1991 - Beckology
1995 - Best of Beck

Big Town Playboys

1993 - Crazy Legs

Altri album

1992 - Jeff Beck & Jed Leiber - Frankie's House (Soundtrack)
Duff McKagan - Believe in Me (1993)

Altri albun

1992 - Jeff Beck & Jed Leiber - Frankie's House (Soundtrack)
Duff McKagan - Believe in Me (1993)

Curioxità

El gà scrito l'ino del Wolverhampton Hi ho silver lining (hi ho Wolverhampton)^[1]

Note

↑ Cita le fonti: Wolverhampton Wanderers Football Club

Linganbi foresti

(inglezo) Sito ufisałejeffbeck.com. Sconosesta: inglezo (juto)
Jeff Beck (canale ufisałe)YouTube.
(EN) Jeff BeckEnçiclopedia Britannica, Encyclopædia Britannica, Inc.
(EN) Opere di Jeff BeckOpen Library, Internet Archive.
(EN) Jeff BeckGoodreads.
(EN) Jeff BeckMobyGames, Blue Flame Labs.
Jeff BeckDiscografia nazionale della canzone italiana, Istituto centrale per i beni sonori ed audiovisivi.
Jeff BeckLast.fm, CBS Interactive.
(EN) Jeff BeckAllMusic, All Media Network.
(EN) Jeff Beck / A. Jeffrey / A. N. Other (2) / J. ToadDiscogs, Zink Media.
(EN) Jeff BeckMusicBrainz, MetaBrainz Foundation.
(EN) Jeff BeckWhoSampled.
(EN) Jeff BeckSecondHandSongs.
(EN) Jeff BeckEncyclopaedia Metallum.
(EN) Jeff Beckgenius.com.
Jeff BeckMovieplayer.it.
Jeff BeckFilmTv.it, Arnoldo Mondadori Editore.
(EN) Jeff BeckInternet Movie Database, IMDb.com.
(EN) Jeff BeckAllMovie, All Media Network.
(EN) Jeff BeckRotten Tomatoes, Flixster Inc.
(EN) Jeff BeckMetacritic, CBS Interactive Inc.
(EN) Jeff BeckAFI Catalog of Feature Films, American Film Institute.

Sito uficiałe Archivià il 12 de aprile 2010 in Internet Archive.

Wikimedia Commons el detien imàjini o altri file so Jeff Beck
Scholia el detien schemi gràfeghi so Jeff Beck

Controło de autorità	VIAF (EN) 54331709 · ISNI (EN) 0000 0000 9073 0103 · El vałore UBOV513500 de SBN no el xe mija bon. · Europeana agent/base/61041 · LCCN (EN) n87808084 · GND (DE) 118850040 · BNF (FR) cb138912865 (data) · BNE (ES) XX850869 (data) · NDL (EN, JA) 00620339 · WorldCat Identities (EN) n87-808084

[1] Cita le fonti: Wolverhampton Wanderers Football Club

[1]