Highlands

Panorama de łe Highlands Scozzéxe

Paéxe de Shieldaig, Highlands

Łe Highlands Scozzéxe (o normalménte ciamae sól Highlands) łe xe ła rejon montagnera de ła Scozia, tacada a nord e a òvest de l'Highland Boundary Fault, inte ła banda pi setentrional de ła Gran Bretagna. Łe xe comuneménte descrite cofà una de ła pi bełe rejon d'Eoropa. Ł'òrea ła xe pa'l pi scarsaménte popołada, dominada da numaróxe caéne montagnere.

Densità

Anca se ła fa part de ła Gran Bretagna, che ła xe tant densaménta popołada, ła densità media de ła popołasion inte łe Highlands e inte łe ìxołe scozzéxe ła xe inferior e qûeła de Svezia o Norveja.

Popołasion

Intra i séntri abitai el pi inportante el xe Inverness. L'àrea aministrativa de 'Highlands' (Highlands Council) ła ciapa pi o manco el 40% de ła rejon; la banda che ła resta ła xe divixa intra łe àree aministrative de Aberdeenshire, Angus, Argyll e Bute, Moray, Perth e Kinross e Stirling. Sebén che l'ìxoła de Arran ła apartegna aministrativaménte a l'Ayrshire setentrional, ła só rejon setentrional ła vien xeneralménte tacada inte łe Highlands.