Grandi Laghi de la Merica
Da Wikipedia, ła ençiclopedia lìbara.
I Grandi Laghi de a Merica setentrionae i xe un insieme de sinque laghi de acua dolsa, fra i pi grandi al mondo, che costituise na sorta de mare interno fra i Stati Uniti e el Canada.
I sinque laghi i xe (da ovest ad est, cioè grosomodo da monte a val):
- Lago Superior (el pi vasto e profondo);
- Lago Michigan (l'unico completamente compreso nei confini statunitensi);
- Lago Huron (el secondo par superficie; al so interno se cata Manitoulin, l'isola lacustre pi granda del mondo);
- Lago Erie, che el contien el minor volume de acua;
- Lago Ontario, queo piasè picenin par superficie;
del sistema fa parte anca el reativamente picenin Lago St. Clair, che se cata su a lengua de tera che separa i laghi Huron ed Erie.
I laghi Michigan e Huron i xe a lo stesso liveo e no i xe coegai da un fiume ma dai streti de Mackinac (tanto che i podaria esar considerai do sesioni de un unico lago), mentre i altri i xe coegai dai fiumi St. Marys (dal Superiore a l'Huron), St. Clair (da l'Huron al St. Clair), Detroit (dal St. Clair a l'Erie) e Niagara (da l'Erie a l'Ontario), sul quae se cata le famose cascate. El sistema el xe coegà al mar dal fiume San Lorenso, che sfocia ne l'Atlantico.
I Grandi Laghi i xe sempre stai importanti vie de comunicasion, e ancuò grasie ad alcuni canai artificiai (ad es. el canae Welland, che permete de pasar dal lago Ontario al lago Erie, agirando le cascate del Niagara) navi de grosso tonnellaggio le pode risalir da l'Atlantico fin a e estremità dei laghi Michigan e Superior. A fasiità dee comunicasion a ga fato sì che molte dee pi importanti sità del Canada (Toronto sul lago Ontario, Ottawa, Montreal e Quebec sul San Lorenso) e dei Stati Uniti (Chicago sul lago Michigan, Detroit su l'omonimo fiume, Cleveland e Buffalo sul lago Erie) e sorgese sui laghi o sue vie d'acua che i le coega fra de lori e al mar.
I grandi laghi i bagna le coste de a provincia canadese de l'Ontario (n'altra provincia canadese, el Quebec, a xe traversà dal San Lorenso) e dei stati U.S.A. de Minnesota, Wisconsin, Illinois, Indiana, Michigan, Ohio, Pennsylvania e New York.
 Lago Superior |
 Lago Michigan |
 Lago Huron |
 Lago Erie |
 Lago Ontario |
[modìfega] Altri progeti
Su Commons ghe xe dei file multimediałi su Grandi Laghi de la Merica
| Regioni del continente mericano | |||
 |
Merica de sora | Merica sentral · Merica del Nord · Caraibi Gran Bacino · Grandi Laghi · Merica latina ·Grandi Pianure · Pacific Northwest · Pacific Rim |
|
| Merica de soto | Stati andini · Guyana · Merica latina · Patagonia · Pacific Rim · Cono Sud |
||
