Grand Canyon

Da Wikipedia, l'ençiclopedia libara.
Va a: navigasion, serca
El Grand Canyon visto dal livelo del fiume

El Grand Canyon el xe na imensa gola creada dal fiume Colorado inte l'Arizona setentrional. El xe longo 446 chilometri cerca, fondo fin a 1.600 metri e co na larghezza variabile dai 500 metri ai 27 chilometri. Par la parte pì granda el xe incluso inte'l parco nazional del Grand Canyon, uno dei primi parchi nazionai dei Stati Unìi. El presidente Theodore Roosevelt el amava tanto l'area del Grand Canyon e el la ga visitada piassè volte, par ndar a cazza de puma e mirar el paesagio.

Quasi do migiardi de ani dela storia de la Tera xe vegnui a la luse grazie a l'azion del Colorado e dei so fluenti, che in migioni de ani i ga eroduo strato dopo de strato de sedimenti, e grazie al levamento del Colorado Plateau.

El primo europeo a vedar el Grand Canyon xe stà el spagnolo García López de Cárdenas inte'l 1540 che el xe partio dal Novo Messico par ndar in cerca del misterioso fiume che i parlava i indiani Hopi. La prima spedizion sientifica verso el canyon la xe stà vidada dal magior statunitense John Wesley Powell a la fin dei anni '70 del XIX secolo. Powell el ga descrito le piere sedimentarie esposte inte'l canyon cofà de le "pasene de un libro grando de storia". Comunque, tanto prima de ste descoverte, l'area la gera abitata da Nativi mericani che i gaveva costruio insidiamenti intra le parede del canyon.