Giant's causeway

Da Wikipedia, ła ençiclopedia lìbara.

El Giant's Causeway (in vèneto "Sałixada del Xigante") el xé na àrea de serca 40,000 cołone de baxalto incastrae intra de łore, rixultà de na erusion volcànega. El xe situà su ła costa Nord-Est de l'Irlanda, a quaxi 3 chiłòmetri a Nord de ła sità de Bushmills inte ła contea de Antrim, Irlanda del Nord. El xe stà diciarà Sito Patrimonio Mondial da l'UNESCO inte'l 1986, e na Riserva Naturałe Nasionałe inte'l 1987 (dal Dipartamento de l'Anbiente de l'Irlanda del Nord). Łe sime de łe cołone łe fórma dei scałin che i sparise fin soto al mar. Łe pi tante cołone łe xe exagonałi, ma ghe xe anca tante co quatro, sinque, sete o oto bande. Łe pi alte łe riva fin a 12 metri (36 piè).

[modìfega] Łexenda

Ła łexenda ła dixe che el xigante Fionn mac Cumhaill (Finn McCool) el ga tirà su ła sałixada par ndar a piè fin in Scozia par conbàtar co'l só nemigo scoséxe Benandonner. Senpre sta lexénda ła dixe che Finn McCool el se gapie indormensà prima de rivar in Scozia. Có no lo ga vist rivar, Benandonner el xe ndà in serca de łu. Par protèxar Fionn, só mujere ła ghe ga tacà sóra un ninsioło bianco par far finta che el fuse so fioło. quando che Benandonner el ga visto quant grando che'l jera el toxatel, el xé scanpà vìa pensando a quant grando che el véa da èsar el pare, e desfando ła sałixada parché Fionn no'l ghe ła faxese a córarghe drìo.