George Orwell

Da Wikipedia, l'ençiclopedia libara.
Va a: navigasion, serca
George Orwell

George Orwell, nome vero Eric Arthur Blair (Motihari, India, 25 giugno 1903Londra 21 zenaro 1950), el xe sta un giornalista e scritor ingléxe. Una de le só opere pi famose l'è La fattoria degli animali (1945), in aparenza na fola par butini, in realtà na critica feroce del comunismo in Rusia, con le bestie de la fatoria che se ribella al paron (lo zar de la Rusia) solo par métar in pié na ditatura pezo ancora de prima. L'altra só opera famosa l'è 1984 (publicà nel 1949), dove l'autor el se imagina un futuro imaginario (ma mia tanto distante da certi regimi tipo l'Union Sovietica) dove el mondo l'è spartìo in tri Stati, in ognuno dei quali ghe xe un regime totalitario dove no xe permesso el minimo dissenso da le idee del partito unico che ga el potere, e la gente la vien spià tuto el giorno da la polizia con telecamare e microfoni sconti dapartuto.