Gato
 |
 Felis silvestris catus |
| Clasificasion sientìfega |
| Nomenclatura trinomiałe |
| Felis silvestris catus Schreber, 1775 |
El gato (Felis silvestris catus) xe un mamìfero domestegà, anca se ghe xe ancora diverse specie de gati selvadeghi, deła fameja dei Felidi.
Indice |
[canbia] Origine
El gato ke conosemo vien dał'antico Egito e dała Mesopotamia.
[canbia] El peło
El cołor del peło e pol esar nero, roso, grixo o bianco, tuti intieri o anca a righe o cołe mace.
[canbia] Quanto ke'l vive
De sołito un gato el riva fin a 14 ani, ma ghe xe anca gati veci de 20 - 25 ani.
[canbia] Abitudini
[canbia] Seitare a łecarse
El peło, pal gato, xe fondamentałe parchè el ghe tien regołà ła tenperatura corporea. Xe par queło ke'l gato sèita a łecarse e tegnerse neto e umido el peło.
[canbia] Łe fuxa
Quando ke un gato xe contento o vol farse cocołare, el fa łe fuxa, ke xe un rumor provocà dała contrasion svelta e ritmica dei muscołi del diaframa e deła laringe.
[canbia] Pet therapy
Sicome ła conpagnia de sta bestia morbida e riłasante ła fa star ben, el gato, cusì come anca el can e altre bestie, vien doparà 'nteła cusì deta Pet therapy, dove ke se fa star insieme i małà co sti animałi ke riese a trasmetere riłasamento e benesere. Ghin trae giovamento persone ipertexe ed invałide.
[canbia] Proverbi
Quando el gato dorme, i sorze bała vol dir "Quando no ghe xe ki ke ga da controłare el łavoro da fare, ghe xe senpre calkedun coła broxa sul coło ke s'inaprofita e el scantona".
[canbia] Ałergia al gato
Ł'ałergia al gato, con rinite, congiuntivite, asma, ła gente pensa ke ła sia łigà al peło del gato, ma invese el peło non c'entra: xe łe proteine deła sałiva ke lu el lasa sul peło e ke łe va in aerosol e łe se disperde 'nteł'aria. Łe xe un ałergene tanto forte e persistente (el pol restare in na caxa anca dopo tri mexi ke xe 'nda via el gato).
