Fuin
Da Wikipedia, ła ençiclopedia lìbara.
 |
||||||||||||||
 |
||||||||||||||
| Stato de conservasion | ||||||||||||||
|
||||||||||||||
| Clasificasion sientìfega | ||||||||||||||
|
||||||||||||||
| Nomenclatura binomiałe | ||||||||||||||
| Martes foina Erxleben, 1777 |
El fuin o fuina (nome sientifego Martes foina) xe un mamìfero onivoro (vałe a dir ke'l magna de tuto) deła fameja dei Mustelidae. In todesco se dixe Steinmarder, in inglexe beech-marten, in tałjan faina. El xe longo 45-50 cm, con 25 cm de coa e el pexa in media do kiłi. El peło, corto e fiso, el xe maron ciaro, pi scuro sul muxo, co na macia bianca-xała suła goła slungà fin ała pansa; łe rece łe xe tonde orlà de bianco, łe sate łe ga un cołor maron pi scuro, come se el fuin gavese łe calse.
Indice |
[modìfega] Difusion
El fuin se trova dał'Europa (ma no in Irlanda,Gran Bretagna e Scandinavia) fin in Axia, in Manciuria.
[modìfega] Habitat
El vive 'ntei boschi, anca in xone rente dove ke vive i omeni. El fa ła so cucia drento muri veci o sgrebani spacà.
[modìfega] Abitudini e cosa ke'l magna
El se sposta e el cacia de note. El magna miełe (łe ave e łe vespe no ghe fa gnente), perle, ovi dei oxełi o oxełeti ke'l trova 'ntei gnari, moreje, schirati, barbastrji, połastri e conej. Quando ke'l capita drento un punaro o na conejara, el copa tante pi bestie de quełe ke dopo el magna: i etołogi ciama sto modo de fare surplus killing.
