Domo de Cołogna

Da Wikipedia, ła ençiclopedia libara.

El Domo de Cołogna, che el nome ofisial el xe Céxe dei Santi Piero a Marìa, in todésco Hohe Domkirche St. Peter una Maria, có i só 157 metri de altésa ła xe ła secónda céxa pi alta de ła Xermania (dopo el Duomo de Ulma, finìo inte'l 1890) e ła tersa pi alta del móndo.

Dal 1880 al 1888 el xe stà ła costrusion pi alta del móndo (data de ła costrusion de ła Tóre Eiffel, e inóltra la pi granda atrativa turìstega de ła Xermania: inte'l 2004 el xe stà vixità da zsérca 6 miłióni de persóne.

[modifica] I texori

El Domo el ga 12 canpane. Ła prima ła xe stà la Dreikönigenglocke (canpana dei tre re), del pexo de 3,4 tonełae, fondesta inte'l 1418 e instałada inte'l 1437, rifondesta de novo inte'l 1800. Łe canpane dite Pretiosa (10 tonełae, a l'època ła pi granda de l'Oçidente) e Speciosa (4,3 tonełae) łe xe stae instałae inte'l 1448 e da łora łe xe senpre stae al só posto. Ła pi franda de łe canpane del Domo łe xe ła St. Petersglocke (Canpana de San Piero), fondesta inte'l 1922 e pexante 24 tonełae, la pi granda del mondo intra de qûełe che łe połe rodar conpletamente (ła canpana de ła paxe de Newport, in Kentucky, ła xe pi granda ,ma mo ła połe cònpiar un xiro conpleto sul pian vertical).

L'Arca dei re Maxi, ła pi çèłebre òpara de arte contegnesta a l'interno de ła Catedrałe, situada drìo de l'altar prinçipal e risałente al XIII sècoło, ła par rivendicare co łe só dimension l'anbizhion de ła Catredałe de pacar el vixitador ispiràndoghe sentimenti de grandezha: in legno e arxento, pexante trexento chiłi, alta pi de 1 metro e medho e łonga pi de do metri, ła xe el pi grando sarcòfago d'Europa.