Cornołaro
Da Wikipedia, l'ençiclopedia libara.
 |
||||||||||||||
 El cornołaro |
||||||||||||||
| Clasificasion sientìfega | ||||||||||||||
|
||||||||||||||
| Nomenclatura binomiałe | ||||||||||||||
| Cornus mas L., 1753 |
El cornołaro el xe na pianta deła fameja dełe Cornaceae. Nome sientifego Cornus mas, el vien ciamà in inglexe cornel tree o cornelian cherry, in todesco Kornelkirsche, in tałjan corniolo. Se trata de bar o albareti alti fin a 5 metri. I ga foje ovałi con pełeti ke vien fora de sora e de soto.
I fiori, xałi, i se verxe a onbreła, fra febraro e apriłe. I fruti, rosi, ma anca xałi, i par picołe sarese longhe. El legno del cornołaro el xe durisimo: el vien doparà par far maneghi de martełi e altri atrezi e par ła produsion de pipe.
Coi fruti se fa suki ('ntele Prealpi Vixentine in setenbre se faxeva el vin de cornoła) e marmelade ( ke va ben coła carne lesa), ma i vien mesi anca 'nteła graspa.
