Ciupinara

Ciupinara

Talpa europaea

Stato de conservasion

Baso ris-cio (lc)

Clasificasion sientìfega

Phylum: Chordata Clase: Mammalia Órdene: Soricomorpha Fameja: Talpidae Gènare: Talpa Spece: T. europaea

Nomenclatura binomiałe

Talpa europaea Linnaeus, 1758

Nomi comuni

topinara, tupinara, ciupinara, cipunara solva, rùmoła

Areałe de distribusion

Ła ciupinara o cipunara o topinara ła xe un mamifero deła fameja dei Talpidae (nome sientifego Talpa europaea). In todesco se dixe Maulwurf, in inglexe mole, in taljan talpa. Łonga 10-17 cm, ła ga na coa de 2-4 cm e ła pesa dai 60 ai 120 grami. Ła pełicia ła xe mora, i oci i xe do bałete more (no xe mia vero ke ła xe orba, ła ghe vede). Ła magna but, bauti e bai ke se trova drento ła tera dei prà e dei canpi.

Anbiente

 

Na ciupinara ke xe drio vegner fora dal so gnaro

Ła ciupinara ła pol vivare fin ai 2400 metri sul liveło del mar e se pol trovarla in tuta Eoropa, dała Gran Bretagna (no in Irlanda) fin ai Urali, in Caucaso e anca in Siberia. Se vede ke ghe xe ciupinare in un prà par via dełe montagnołe de tera ke se trova una drio l'altra.

El sistema de gałerie sototera ke ga i gnari dełe ciupinare

Soto ghe xe i gnari, ke xe fati co na camara tonda, de 8 cm de diametro e do coridoi circołari concentrici ała camara: il pi groso al steso liveło, el pi picoło un poco pi in alto. Dała camara va su al coridoio pi picoło 3 gałerie e da questo va xo al coridoio pi grande 5-6 gałerie. Dal coridoio pi grande e pi baso parte 8- 10 gałerie ke łe porta fora. Co sta specie de labirinto, ła ciupinara ła se difende dai predatori ke vien drento i busi dei so gnari.