Ciaveta USB

Da Wikipedia, l'ençiclopedia libara.
Na ciaveta USB

La ciaveta USB o penna USB o pendrive (pronuncià pèn-dràiv) la xe na memoria de massa picenina (asè pochi zentimetri) che se pol portar in giro facilmente e che se taca al computer doparando la porta USB. Ne la ciaveta i dati i xe memorizè inte na memoria flash, che la saria un zircuito semicondutor sul quale se pol imagazinar dati in forma binaria, mantegnendoli anca senza corente eletrica. Sicome no ghe xe parti che se move, le ciavete le resiste ben ai urti.

N'altro vantagio xe che te pol dopararla su qualunque computer sensa dover instalar nissun driver. El protocòlo de trasferimento dati (ciamà USB Mass Storage protocol) el xe defati suportà da tuti i prinsipali sistemi operativi: Windows, Linux e Mac OS X.

Anca tanti letori MP3, sicome che i dòpara anca lori el stesso tipo de memoria flash, volendo i se pol doparar come ciavete par trasportar i dati invesse de la musica.

Varda anca[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Ciaveta_USB&oldid=1032185"