Caval (architetura)

Da Wikipedia, l'ençiclopedia libara.
Va a: navigasion, serca
Nota disambigua.svg
Nota disambigua.svg
Nota dixanbìgua - Se te sì drio sercar an animal , varda Equus caballus
Al quert fat a cavai ravesinadi 'te la Basilica de Santa Croce a Firenže
An caval francese. Ten quel 'taljana al omenet e la cadena no i se toca. Te le costružion venete, specialmente se la dimension de la costružion la è pižola, manca i elementi djagonai.
An caval de metal te 'n edificio industrial.

An caval al è an elemento architetonico che al materjaliza al principio costrutiu de 'l triangol, cioè la pì senplice strutura reticolar isostatica che se pode far.

Uso[canbia | canbia sorxente]

Al caval al gnen doperà par cener sù an quert a do falde aonde che no ghe n'è an mur portante.

Costružion[canbia | canbia sorxente]

Al caval al gnen fat co trau de legn sagomadi prim de gner metesti 'te 'l so posto. Prim se sagomea al gross, podopo gnen metest insjeme i toch a piè d'opera e co 'l segon se ripassa tuti i punti de contato, in modo che i conbacie polito. Na olta fata sta operažion se smonta i cavai e se torna a meterli insieme te 'l posto aonde che i à da star. I diversi toch de legn podaree star fermi solche par isostaticità (te 'l pjan) e par atriti e simetria de sforž (te 'l spažio), ma comunque par sicureža se i fissa co ciodi o, secont le nove norme, co stafe inbolonade. I trau che se dopera a far al caval de solito i è de roro, laress o Pež.

Nomencladura[canbia | canbia sorxente]

Al toch orizontal, che al è sojeto a 'n sforž de tražion, al gnen ciamà cadena, quei de stravers, sojeti a conpression no uniforme, a taj e a flession par via de 'l cargo distribuì diagonal che la ghe manda la falda, i se ciama ganbe da caval. Al toch sù in žima, sojeto a conpression, al se ciama omenet.

Voci colegade[canbia | canbia sorxente]