Budele

Al aparato digerente inferjor

Le budele (dite anca buele o buvele inte le deverse varianse vènete), che te el so conplesso le costituiss al intestin, le ze la ultima part del aparato digerente. Le ze an tubo de diametro varjàbiłe mol, fat sù in modo da massimizar al raporto longhesa/volume.

Al intestin al se divide ten do zone principai:

• Intestin tenue, pi longo ma stret, catà dapò del stòmego.
• Intestin crass, pi curt ma largo, al feniss drent al'an.

Magagne

La fisiologia solita de le budele la ze coinvolgesta da diversi desturbi che i ga a che far co al movimento o la secresion. I secondi i ze dati da ulsere duodenai e problemi de assorbimento. Le lesjon vascolari le gnen date da oclusion tronbotiche de ran de la arterja mesenterica cranjal e dissesion aòrtica.

L'intestin tenue al ze interessà da oclusion o da lesjon vascolari, mentre l'intestin crass al ze interessà da tumori e da megacolon, un difet nell'inervazion da parte dei plessi di Auerbach e Meissner co dilatasion de la parte sora quela inervà.

Oclusjon

Fra i vari tipi se cata:

• Vòlvoi, strozamento o torsion dell'ansa, provoca ischemia o infarto;
• Intussuscesion o invaginasion, na parte terminal de n'ansa prossimal la feniss a intrar te na o pi distal provocando ischemia e nècrosi soratut dei vasi sutili;
• Aderense, causando na mancà propulsion del magnar e sensasion de dolor (spess le vien dapò na peritonite o cerusia de la panza);
• Ernie, ombelicali e scrotali

Usi particolari de le budele

In età preistorica al intestin dei animai al gnea doperà come corda par i archi e par far ligadure de na serta inportansa. Dess come dess se dopera budei de diversi animai (caval, muss, vaca) par insacar carne. Anca siben che ze stat inventà film polimerici (ciamadi de solito "budei cinesi") par adenpjer a sta funsjon, quei naturai i resta quei che i garantiss la mejo qualità del prodoto.

Voci corlegade

• Enteroscopia
• Enteroptosi
• Enterostomia

Linganbi foresti

• (IT)Al roło de le budele 'te la digestjon
• (EN) I diversi toco del aparato digerente:descrision e aprofondimenti Archivià il 1º de marso 2005 in Internet Archive.

• (EN) Inmagini de particolari del intestino tenue e crasso al microscopjo Archivià il 30 de marso 2010 in Internet Archive.

Altri progetti

• Wikimedia Commons

• Wikimedia Commons el detien imàjini o altri file so intestin
• el detien schemi gràfeghi so