Bira

Da Wikipedia, l'ençiclopedia libara.
Va a: navigasion, serca
Un bocal de bira

La bira ła xe una de łe bevande alcołiche piesè bevùe e piesè vece del mondo. Ła vien prodota atraverso ła fermentasion de sùcari derivè da sostanse a baxe de amido, tra cui queła piesè doparà ła xe el malto d'orzo.

I vari tipi de bire i se pol dividar in do grande fameje, clasificandołi in baxe al lievito doparà (e che xe responsabiłe de ła fermentasion):

  • lievito a fermentasion alta (Top-Fermenting Yeast) come el Saccharomyces cerevisiae (e i so ceppi) che el vol temperature alte e durante el proceso el va su in superficie del tino de fermentasion. Łe bire otegnùe in sta maniera łe vien genericamente ciamè ale.
  • lievito a fermentasion basa (Bottom-Fermenting Yeast) come el Saccharomyces carlsbergensis (e i so ceppi) che invese el vol temperature piesè base e durante el proceso el se posta sul fondo del tino. Łe bire otegnùe cosita łe vien genericamente ciamè lager (che deriva dal verbo tedesco che significa “tegner da conto”, “conservar”, nel caxo de ła bira “al fresco”).

Ghe xe anca de łe bire a fermentasion spontanea, ciamae Lambic, che łe vien prodote soło che inte na rejon de'l Belgio grasie al espoxision a de i lieviti selvadeghi (i se trova inte'l anbiente, no i vien xontai in faxe de produsion).