Łéngoe seltiche

Difuxion dełe łengoe selteghe:
in verde gaełico-irlandexe,
in blé gaełico-scosexe,
in roso manexe,
in xało gałexe,
in naranson cornego,
in vioła bretone.

Distribuxion cronołogica dei selti:
In xało sentro del teritorio de ła cultura de Hallstatt (intel secoło VI a. C.)
In verde veronexe masima espansion seltega (intel secoło III a. C.) (pi' ciara ła area luxitana de inserta atribuxion).
In verde scuro divixion aministratvie indove anco se parla łengoe selteghe (pi' scure łe aree indove łe xe pi' difuxe)

Łe łengoe seltiche Lengue indoeuropeee xe un ramo de łe łengoe indoeoropee parlae ancò in Eoropa osidental e in serte xone de Canada, Stati Unii, Austrałia e Patagonia indove łe xe rivae co łe emigraxioni resenti. In antigo el jera parlà anca in eoropa sentral, meridional e axia osidental.

Cofà altre fameje i łenguisti i ipotixa l'esistenxa de 'na forma comune ancestral dita protoseltego

De chełe parlae ancò in eoropa, soło el gaełico-irlandexe el xe 'na łengoa ofisial; gaełico scosexe, gałexe e bretone łe ga un serto grao de protexion; cornego e manexe łe xe drio redimerse da 'na grave crixi.

Clasificaxion

Fonetica

Dal ponto de vista fonetico łe se divide secondo l'evołuxion del fonema indoeoropeo kw a l'inixio del periodo cutural de La Tène.

• Łengoe Q-selteghe: (seltibero e łengoe goidełighe) łe xe catava neła periferia del mondo seltego e łe gavea conservà 'na forma pi' arcaica.
• Łengoe P-selteghe (gało e łengoe britoneghe) łe se catava in posixion sentral nel mondo seltego e łe gavea evołuo 'na forma pi' moderna.

Proto-Celtego	Gało	Gałexe	Bretone	Gaełico irlandexe	Gaełico scosexe	Manexe	Veneto
*kwennos	pennos	pen	penn	ceann	ceann	kione	testa
*kwer-		pryf		cruim			caldo
*kwrei-		prynu		crenaim			compara
*kwrmi-		pryd		cruth			forma
*kwetwar-	petuarios	pedwar	pevar	ceathair	ceithir	kiare	cuatro
*kwenkwe	pinpetos	pump	pemp	cúig	còig	queig	sincue
*kweis	pis	pwy	piv	cé [< cia]	cò/cia	quoi	chi

Giografega

Da un ponto de vista giografego łe łengoe łe se divide in:

• Seltico continental †
  • Łengoa gała †
  • Łengoa łepontica †
  • Łengoa norica†
  • Łengoa seltibera †
  • Łengoa gałata †
• Seltico insułar
  • Grupo britonego
    • Łengoa bretone
    • Łengoa gałexe
    • Łengoa cornovaiłexe
    • Łengoa pita †
    • Łengoa iverniega †
    • Łengoa cunbra †
  • Grupo goidełego
    • Łengoa manexe
    • Łengoa gaełico-irlandexe
    • Łengoa gaełico-scosexe

Altri progetti

• Commons

• Su Commons ghe xe dei file multimediałi su Łéngoe seltiche