Sitadinansa

Ła sitadinansa (pron. zhitadinanzha, zitadinanza o sitadinansa) ła xe łigà col conceto de sitadin e in sénso łargo anca de sità e siviltà.

Ła xe l'insieme dei diriti siviłi e połìtici e dei doveri che un Stato el riconóse a ogni só sitadin, cioè omo o dona sotoposto al dirito. Ła sitadinansa, donca, ła xe diversa da ła suditansa parché 'sta qua ła se riferise soło al fato che uno el xe sotoposto a ła sovranità de un Stato sensa aver diriti ma soło che doveri.

Bexon' tegner cónto comunque che in un saco de monarchìe costitusionałi, Stati comunque democràtici, se parla tradisionalmente de sùditi (come zente sotoposta a l'autorità del sovran, Re o Regina) al posto de sitadini, dando par scontà che comunque i diriti siviłi i vien reconosesti cioè che comunque ghe xe na sitadinansa. Invese l'uxo de ła paroła sùdito rento na Repùblica el ga soło che un sénso irònico par indicar che uno el xe si sitadin ma che in realtà el fa fadiga far vałer veramente i só diriti de sitadin verso el Stato.