Tràpano

El tràpano o furlon xe na machina uténsiłe, che serve pa far buxi o łavorasion che łe richiede feri del mestier de forma sircołar, come pa exenpio łe ponte ełicoidałi, i ałesadori, i mas-ci, etc. Esiste varie version portàtiłi, divixe in do categorie, ła prima ła dispone de un motor asionà da ła corente de łinea a 220 volt, ła seconda ga un motor ałimentà da batarie autònome. El primo tràpano ełetrico pare el sipia stà inventà da Arthur James Arnot e William Blanch Brain[1], inte el 1889, a Melbourne, Australia. Wilhelm Fein[2] el ga inventà el tràpano ełètrego portàtiłe inte el 1895, a Stocarda, Germania. Intel 1917, Duncan Black e Alonzo Decker i ga brevetà e produxesto un tràpano ełètego co un interutor montà su de una inpugnadura a pistoła.

I pi veci i gera manuałi. In ofisina ancoi se uxa de pi el tràpano a cołona pa na major precision. Ne esiste anca a percusion o abinadi.