Strage del Vajont

Xona dea frana

Ła strage del Vajont (ciamà anca trajedia, dexastro del Vajont) el xe el pexo dexastro anbientae mai fato inte'l mondo provocà da l'omo (Documento ONU ilustrà a ła prexentasion del «2008 Ano internasional de 'l pianeta Tera»). El xe pasà el 9 otobre 1963 a łe ore 22:39. El xe sta cauxà da na frana vegnesta xò da 'l monte Toc e presipitada inte'l bazin artificiałe creà da ła diga omònema, provocando n'onda cheła ga scavalcà ła diga e distruxendo el paexe de Longaron; 1917 le vitime, 1450 a Longarone, 109 a Codisago e Castelavazo, 158 a Erto e Casso e 200 orisinarie di altri comuni; altri paexi i xe stai danejà, anca gravemente.