Autoritarismo

Par stato autoritario (o xeneralmente autoritarismo) se intende na entità statałe e/o una forma de goerno andove ła sovranità xe tegnua da on partio ùgnolo o da on ditatore. Xe na version modernixada de el asołutismo monarchico. Pure se xe prexente na raprexentansa pułitega, st'ultima ła xe fortemente limitada dal podere del goerno^[1].

El ponto fondamentałe de on stato autoritario xe ła prexensa de on cao o ditatore. Sto omo forte consentra su de eło tuti i poderi de el Stato, rivando a confuxionarse co sto qua, e el ciapa ła funsion de guida suprema de ła nasion^[2].

Se fa difarensa da el stato autoritario e el stato totałitario parché el podere de l'autorità de goerno nol va drento del tuto inte el tesùo sociałe del Paexe.

Derivasion

El termine autoritarismo, che deriva da "autoridà", xe sta inventà da la propaganda del rexime fasista par descrivar, in modo poxitivo, el goerno autoridario del Regno d'Italia. Dopo che el rexime l'è sta desfà, el termine ga ciapà un significà anca masa negativo, indegando on abuxo de autorità, e in maniera particular, par dirghe a na "cativa autorità"^[3].

Sto abuxo del poder dominante, che volxea al controlo de la popolasion, schisa in maniera inevitàbiłe le libartà de la xente. Par sto motivo, uncò la parola autoritarismo ga on significà chel pole esar considerà el contraro de libartà. La parola "Autoritarismo" la xe formada da raixe latine e signifiga "sistema fondà sol podere o l'abuxo de sto podere". Nome formà da un termine latino: "auctor" che signifega "autore" e tre sufisi: "-itas" doparà par formar nomi; "auctoritas" in latino (lexitimità); sufiso "-aris" doparà par formare ajetivi; dà autoritarismo; "-ismum", on sufiso de formasion tarda che se riferise a l'idea de apartegner a on grupo o a on sistema de pensiero (par designare profesion o opinion).

Carateristeghe

Le carateristeghe prinsipali de el Stato autoritario le xe:

Abolision de el Stato de dirito dei prinsipi de legalità. L'atività del podere publego la njien fata al de sora de la lexe e sensa garansie par i sitadini. El Cao e i vertexi del Stato, no i sotostà a nisun organo che i controla, de conseguensa no xe posìbiłe algun asertamento de le responsabilità dei vertexi del rexime.
Limitasion dei diriti de le anime, fondamentali, come la libartà personale, la libartà de parola, la libartà de manifestasion del pensiero e la libartà de stanpa.
Limitasion del pluralismo pulitego. Njien exersità la represion de calsiasi forma de contrarietà, col divieto de far asociasion o organixasion privae, difarente da chele autorixade in maniera espresa, e la creasion de on partio unico.
La sopresion de la libarta sindacale.
La sostitusion dei organi eletivi, co organi de nomena goernativa.
L'asentramento statale, faxendo n'aparà burocratego, fondà so rixidi prinsipi xerarcheghi.

Notasion

↑ Forme de Stato
↑ Stato autoritario
↑ Giovanni Sartori, La democrazia in 30 lezioni, pag. 40: "Autoritarismo viene da "autorità", ed ze stato coniato dal fascismo come termine apprezzativi, par poi essere rovesciato alla sconfitta del fascismo e del nazismo, par denotare la “cattiva autorità”, e o sia un abuso e un eccesso di autorità che schiacciano le libertà. In tal caso direi che oggi, più che rappresentare l'opposto di democrazia, il termine autoritarismo sta a significare il contrario di libertà."

Controło de autorità	LCCN (EN) sh85009788 · GND (DE) 4256521-2

[1] Forme de Stato

[2] Stato autoritario

[Sartori-3] Giovanni Sartori, La democrazia in 30 lezioni, pag. 40: "Autoritarismo viene da "autorità", ed ze stato coniato dal fascismo come termine apprezzativi, par poi essere rovesciato alla sconfitta del fascismo e del nazismo, par denotare la “cattiva autorità”, e o sia un abuso e un eccesso di autorità che schiacciano le libertà. In tal caso direi che oggi, più che rappresentare l'opposto di democrazia, il termine autoritarismo sta a significare il contrario di libertà."

[1]

[2]

[3]