Xugo da toła

Un xugo da toła el xè un xugo che richiede na ben definia superfise de xugo, che ła vien dita de sołito tabełon o plansa ladove nò i existe termini pì specifisi ligai ało spesifego xugo in question (par exenpio scachiera o damiera); so ła superfise i vien solitamente piasi e/o spostai i tochi che, senpre in asensa de termini pì spesifici, i vien ciamai segnałini. Oviamente nò ła xè na categoria de cui se posa dar na definision molto precixa; par exenpio, el conseto de tabełon pol essar anca intexo in senso pitosto lato (includerà el caxo de planse individuałi pà i xugadori, tabełon asenblai via via come parte del xugo, evc.). In sostansa, se podarìa includare in questa categoria quałunque xugo richieda na toła o superfise anałoga, ma escludendo i xughi de carte tradisionałi, che i xè un mondo a sé stante; opùr se pol rifarse all'espresion (tuto somato nò cussi vaga) "xughi in scatoła".

I xughi da toła i raprexenta un fenomeno pitosto difuxo infra i paexi osidentałi come momento de agregasion, anca se ła łoro inportansa inte ła vita sociałe dipenda anca da łe tradision nasionałi. In Xermania e inte i paexi de łéngua todésca, par exenpio, ła cultura del xugo da toła xè molto pì difuxa che in Itałia. Nò a caxo propio ła Xermania ospita el premio Spiel des Jahres (xugo dell'ano), che xè el pì inportante del mondo.

Sto xenare de xughi gà na notevołe inportansa come intratenimento pà ła famèja, spesalmente par quełi che i se presta a essar xugai a tute łe età; ma nò i manca xughi da toła łe cui regołe łe pol rixultar masa conplicae parsin par molti adulti (come alcuni wargame), o che i richiede un raxonamento atento e aprofondìo (come molti clasici xughi astrati quałi i scachi e ła dama).

Bibliografia esensiałe

• R.C. Bell (1979), Board and Table Games from Many Civilizations, Dover, New York
• R.C. Bell (1986), Il libro dei giochi da tavolo [The Boardgame Book], Idealibri, Milano
• Giampaolo Dossena (1999), Enciclopedia dei giochi, Utet, Torino
• E. Falkener (1961), Games Ancient and Oriental and How to Play them, Dover, New York
• W. Fiske (1905), Chess in Iceland and in Icelandic Literature, "Florentine Typographical Society", Firenze
• E. Glonnegger (1999), Das Spiele-Buch, Drei Magier, Uehlfeld (D)
• J.M. Lhôte (1994), Histoire des jeux de société, Flammarion, Paris
• H.J.R. Murray (1952), A History of Board-Games Other than Chess, Oxford University Press, Oxford
• D. Parlett (1999), The Oxford History of Board Games, Oxford University Press, New York
• S. Sackson (1992), A Gamut of Games, Dover, New York, ISBN 0-486-27347-4
• R.W. Schmittberger (1992), New Rules for Classic Games, Wiley, New York, ISBN 0-471-53621-0

Altri projeti

Altri progetti

• Wikimedia Commons

• Wikimedia Commons el detien imàjini o altri file so Xugo da toła