Difarense intrà łe version de "Botànega"

Contenuto cancellato Contenuto aggiunto

In linea

Version de le 18:24, 19 nov 2007

La botanica la è la dissiplina de la biologia che la studia le forme de vita de 'l mondo vegetal (la flora), drio la so [[anatomia], fisiologia, classificaẑion e ecologia. I organismi pi conplessi studiadi da la botanica i costituiss al regno de le piante (o Plantae). Par al passà tut quel che no se considerea animal al era reputà "pianta", "vegetal". Dess, solche i organismi pluricelulari autotrofi i gnen consideradi part de 'l regno de le piante: i altri i è assegnadi a i regni Monera, Protista o Fonch. Al primo studioss cognossest de 'l mondo vegetal al è stat Teofrasto (371 a.C. - 286 a.C.) che al à descrivest pi de ẑinqueẑento piante e 'l so uso medesinal. Pì tardi Discoride (De Materia Medica) e Plinio il vecchio (I° sec. d.C.) i à scrit opere fondamentai par la conossienẑa de 'l regno vegetal. In particolar inte 'l secondo de la so Naturalis Historia, enciclopedia sientifica in 37 libri, al à binà le conossienẑe de 'l epoca, tramite la letura de de pì de 2000 opere. Na bona part de la so ricerca (libri 12-19) la era specificamente dedicada a le piante e a le so qualità oficinai. La Naturalis Historia la à costituì al conpendio de riferimento de la botanica, e no solche de quela, infin a 'l epoca de 'l rinassiment. Inte la seconda metà de 'l XVI secolo la botanica la se à piaẑà definitivamente fra le altre sienẑe co la nassita de i primi ort botanici e co le prime racolte sistematiche de piante secade. Ma solche inte 'l seteẑento co la fegura fondamental de 'l botanico svedese Carl von Linné (Råshult 1707 - Uppsala 1778), pì comunemente cognossest come Carlo Linneo, è gnest a sviluparse na vera e propria ricerca sientifica su 'l mondo vegetal, co 'n reguardo particolar a la classificaẑion de le piante. De 'l 1735 co 'l opera Systema naturae, Linneo al à esponest par la prima olta i so criteri de classificaẑion tassonomica de i regni animal, vegetal e mineral. La opera che à influenẑà pi de tut i botanici la è stata la Philosophia botanica, publicada de 'l 1751. Inte sta qua Linneo al disea che le specie vegetai, da' che le fea part de 'l progeto divin de 'l creà, le podea esser classificade secont an sistema fiss fondà su le so carateristiche: al era quidi possibile ricostruir le relaẑion interne e le diferenẑe tra sort, specie, generi, ordini e classi. A partir da sta regola tassonomica, Linneo al à scominẑià a doperar la nomencladura minomial, secont la qual ogni esser vivente al podea esser identificà e descrivest a cognosserghen solche 'l genere e la specie, e inveẑe prim ghe olea doperar perifrasi inpossibili da cenerse a mente. Sto sistema de classificaẑion, rivardà e agiornà, al costituiss ancora dess al fondament de la classificaẑion de 'l regno vegetal (e no solche quel). In seguito altri studiosi i à introdusest novi generi e specie e, endo da diversificarli da quei stabilidi da Linneo, se à decidest de dontar a 'l bionomio latin anca la sigla de 'l nome de 'l naturalista che al lo à inventà; par Linneo la letera ele majuscola: L.

Voci colegade