Sir

Sir el ze un apełativo onorìfego doparà in tanti paezi anglòfoni par tratar parlar co un omo, de sòłito de status sociałe o grado miłitare superiore, sensa doparare el so nome de batézemo o cognome. El ze de frecuente doparà inte ła corispondensa formałe (Dear Sir, Right Reverend Sir).

L'ecuivałente femenin del tèrmano el ze "ma'am" o "madam" Inte el cazo de fémana no maridada o de dona zóvane se prefarise el dòparo de "miss".

In pì, in Austràlia, a łe insegnanti de ła scoła superiore se ghe volta paroła col tèrmano "miss" anca se łe ze maridae.

Come l'anàłogo tìtuło onorìfego vèneto sier, ser, sire o l'antigo e erlevado mesier, el ze senpre seguio dal nome e no dal cognome.

Regno Unio e Commonwealth

Inte el Regno Unio e inte el Commonwealth de łe nasion Sir el ze anca un tìtuło onorìfego che el se prezenta davanti al nome de chi che el ze cavałiere de l'Órdene de ła Jaretiera o del Cardo (o de San Patrìsio, oncó dormente), o baroneto, o Knight Bachelor. El tèrmano ecuivałente par na dona cavałiera el ze Dame. A ła mojere de un cavałiere ghe conpete l'apełativo de Lady.

Altri projeti

• el detien schemi gràfeghi so