Scoasa

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Scoase
Desbołognarse da łe scoase

Łe scoase, refudaje o vansaure łe ze materiałi di scarto o vanzo de vàrie atività umane. Ezénpi tìpeghi i ze łe refudaje sòłide urbane, łe àcue rèflue (contegnenti refudaji corpòrei), el defluso superfisałe de ła piova in idrołozia e inte el partegołar inte i sistemi de drenajo urban, ła refudaja radioativa e altre sorte pì spesìfeghe.

Definision normativa[canbia | canbia el còdaxe]

Programa de łe Nasion Unie par l'anbiente[canbia | canbia el còdaxe]

Drio el Programa de łe Nasion Unie par l'anbiente (UNEP) e in partegołar drio ła Convension de Bazilea del 1989, art.2(1), "Ła refudaja ła ze na union de sostanse o ojeti che i vien smaltii o che łe ze destinae a vegner smaltie o łe ga da èsar smaltie in baze a łe dispozision de ła lejislasion nasionałe".[1]

Union eoropea[canbia | canbia el còdaxe]

L'Union eoropea, co ła Diretiva n.2008/98/Ce del 19 de novenbre del 2008 (Gazeta ufisałe eoropea L312 del 22 de novenbre del 2008) łe definise "calsìase sostansa o ojeto del cuało el detentore el vuja libararse o el gàpia l'intension o el sìpie obligà a libararse".[2]

No i ze considerai refudaja i "sotoprodoti", o sia i vansi otegnesti da un siclo produtivo che i sodisfa i recuizii inlistai ne l'art. 184-bis del D.lgs. 152/2006:

  • ła sostansa o l'ojeto el ze orìzenà da un procedimento de produsion del cuało el costituise parte integrante, e che el fin primàrio no ła ze ła produsion de sta sostansa o ojeto;
  • el ze seguro che ła sostansa o l'ojeto el sarà doparà, inte el corso del isteso o de un sevente procedimento de produsion o de doparasion, da parte del produtore o de tersi;
  • ła sostansa o l'ojeto el połe vegner doparà diretamente sensa nisun altro tratamento difarente da ła normale pràtega industriałe;
  • l'altra doparasion oncora ła ze legale, o sia ła sostansa o l'ojeto ła sodisfa, par ła dòpara spesìfega, tuti i recuizii pertinenti revardanti i prodoti e ła protesion de ła sałute e de l'anbiente e no i portarà a inpataminti conplesivi negativi inte l'anbiente o ła sałute de l'omo.

El ze prevedesto che, dopo na determinada lavorasion, un scarto el posa finir de èsare tałe se łe vien respetae łe condision inlistae inte l'art. 184-ter del D.lgs. 152/2006:

  • ła sostansa o l'ojeto el ze comunemente doparà par fini spesìfeghi;
  • ghe ze un marcà o na dimanda par sta sostansa o ojeto;
  • ła sostansa o l'ojeto el sodisfa i recuizii tècneghi par i fini spesìfeghi e el respeta ła normativa e i stàndar che ze aplegàbiłi ai prodoti;
  • ła dòpara de ła sostansa o de l'ojeto, no ła porterà a inpatamenti conplesivi negativi so l'anbiente o so ła salute de l'omo.

Clasìfegasion[canbia | canbia el còdaxe]

Ła refudaja ła połe èsar clasìfegà in baze a l'orìzene in:

  • refudaja urbana
  • refudaja speciałe

in baze a łe so carataristeghe de pericułozità, in (D.lgs 152/06 art.184 c.1):

  • refudaja pericułoza
  • refudaja no pericułoza

in baze al so stato fìzego:

  • sòłido pulverułento
  • sòłido no pulverułento
  • paltanozo palàbiłe
  • lìcuido.

Notasion[canbia | canbia el còdaxe]

  1. (EN) Convension de Basel
  2. Dalla nuova Direttiva sui rifiuti arriva la definizione di "sottoprodotto" Archivià il 31 luglio 2013 Data inte l'URL no conbazante: 31 de lujo 2013 in Internet Archive.

Altri projeti[canbia | canbia el còdaxe]

Linganbi foresti[canbia | canbia el còdaxe]


Controło de autoritàLCCN (ENsh85145424 · GND (DE4000098-9 · BNF (FRcb119587284 (data) · BNE (ESXX535579 (data) · NDL (ENJA01012273
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Scoasa&oldid=1059018"