Santuario de ła Madona de Monte Berego
El Santuario de ła Madona de Monte Berego[1] el domina ła sità de Vicensa dal cocusoło del omonemo cołe[2] ca se cata a sud-ovest de ła sità. Da el 1904 el ga risevuo el rango de Baxiłega minor. Dal 1978 la Madona de Monte Berego la xe la principal patrona dela sità de Vicensa e dela so diocesi.
El xe costituio da de ciese: ła prima de stiłe gotico, ła seconda ła xe na baxełega in stiłe neoclasegoo e baroco.
Storia, descrision e entrade[canbia | canbia el còdaxe]
La costruxion de łe do Ceze la xe legà a łe do aparision de ła Madona in sto posto da na contadina de nome Vincensa Pasini: la prima el 7 de marso 1426, che l'altra el 1 de agosto 1428. Inte cuei ani, na grave epidemia de peste ła ga diłagà Vicensa, provocando na marea de morti. Inte łe so aparision, ła Madona la ga domandà la costrusion del santuario par finr ła peste. La tradision popołare ła vol che, dopo ła seconda aparision, sia stà costruia ła prima Ceza in sol tri mexi, a ła fin de cuei ła peste ła xe sparia.
I porteghi che porta a Monte Berico, che i xe na via dea procesion coverta che sae da Via Risorgimento fin insima e fin al Cristo vanti oncora, co łe 150 stasion del roxario, i xe sta progetà in tel 1745 da da Francesco Muttoni e reałixà postumi in tel 1748. Naltra via pan nare su a Monte xe fare łe Scałete, 192 gradini a colpi de cuindese, che scominsia dal portae del Paladio ciamà Arco dee Scałete (1595) che, in prinsipio, jera ła via pì curta par nare a Monte prima che vegnese fati i porteghi.
Intorno ghe xe el cuartiere dei Siori, quei che se gà fati a caxa inte ł'onbra dea Madona, i pì escluxivi e ełeganti (cosita i dixe), fora dal trafigo dea sità e a do pasi dal sentro e da tuti i negosi, ma anca a on tiro de sciopo da Campo Marso. In chea sałita che xe soeo e rexe dei Siori. Poco vanti de le do ciexe, sul còl Ambeicopoi, ghe xe el Museo del Risorgimento e dea Resistensa de Viła Guisiołi, co uon grando jardin a ł'inglexe. Davanti a ła Baxełega ghe xe el Piasae dea Vitoria che varda tuta a sità e sua parte alta dea provincia, anca sue Prealpi Vicentine che a nialtri xe tanto care. El piasae xe inserio nea łista nasionae dei monumenti d'Itałia.
Notasion[canbia | canbia el còdaxe]
- ↑ o Berico
- ↑ Monte Berico xe el picolo colle che varda la cità de Vicensa el fa parte del compleso dei Colli Berici. L'altura la xe situà poco distante dal centro storico dea cità.
Voxe corełade[canbia | canbia el còdaxe]
Altri projeti[canbia | canbia el còdaxe]
Wikimedia Commons el detien imàjini o altri file so Santuario de ła Madona de Monte Berego
el detien schemi gràfeghi so
Linganbi foresti[canbia | canbia el còdaxe]
- Sito ufisałemonteberico.it.
| Controło de autorità | VIAF (EN) 132596435 · LCCN (EN) n85264217 · WorldCat Identities (EN) n85-264217 |
|---|